قازاقستاننىڭ اۋە قورعانىسى يزرايل مەن قىتايدىڭ پيلوتسىز ۇشۋ اپپاراتتارىن پايدالانىپ ءجۇر

نۇر- سۇلتان. قازاقپارات - ەلىمىزدىڭ اۋە قورعانىس كۇشتەرى پيلوتسىز ۇشۋ اپپاراتتارىنىڭ قاتارىن تۇركيالىق قۇرىلعىمەن تولىقتارماقشى.

بۇل تۋرالى ق ر قورعانىس مينيسترلىگى اپپارات باسشىسىنىڭ مىندەتىن ۋاقىتشا اتقارۋشى رەداكتسيالىق ساۋالىمىزعا جولداعان جاۋابىندا ايتتى، دەپ جازادى قازاقپارات ءتىلشىسى.

«بيىل ەلىمىزدىڭ اۋە قورعانىسى كۇشتەرىنە تۇرىكتىڭ «Аnka» بارلاۋ جانە سوققى بەرۋشى اپپاراتىن جەتكىزۋ جوسپارلانعان. جالپى ەلىمىزدىڭ قارۋلى كۇشتەرىندە ءار ءتۇرلى ماقساتتاعى ۇ ۇ ا بار. اتاپ ايتقاندا يزرايلدىڭ «Skylark-1» ، قىتايدىڭ «Wing Loong» قۇرىلعىلارى قولدانىلادى»، - دەپ جازىلعان رەسمي جاۋاپتا.

الايدا اتالعان قوندىرعىلاردىڭ ناقتى سانى قۇپيا دەرەك بولىپ ەسەپتەلەدى.

«قولدانىستاعى ۇشقىشسىز ۇشاتىن اپپاراتتاردىڭ ناقتى سانى جونىندەگى اقپارات تاراتىلۋى شەكتەۋلى مالىمەت بولىپ سانالادى»، - دەلىنگەن مينيسترلىكتىڭ جاۋابىندا.

ەسكە سالساق، قورعانىس ءمينيسترىنىڭ ورىنباسارى گەنەرال- لەيتەنانت رۋسلان شپەكبايەۆتىڭ ەلىمىزدىڭ اسكەرىن قارۋ- جاراقپەن قامتاماسىز ەتۋ تۋرالى ماقالاسىندا قازاقستان تۇرىكتىڭ «Аnka» تەكتەس دروندارىن ساتىپ الۋ ماسەلەسىن قاراستىرىپ جاتقانى ايتىلعان بولاتىن.

فوتو: gov.kz

اۆتور: ەسىمجان ناقتىباي