نازاربايەۆتىڭ ساياسي مۇراسىنا ادىلەتتى باعانى كەلەشەك ۇرپاق بەرەدى – توقايەۆ
«ءبىز، قازاق حالقى، ساياسي تۇلعالارىمىزدىڭ ەڭبەگىنە قۇرمەتپەن، پاراساتتىلىقپەن قاراۋىمىز قاجەت. بۇل - قازاقستاننىڭ تۇڭعىش پرەزيدەنتى نۇرسۇلتان ءابىش ۇلى نازاربايەۆتىڭ تۇلعاسىنا دا قاتىستى اقيقات. ونىڭ تاۋەلسىز ەلىمىزدى قۇرۋ ىسىنە سىڭىرگەن ەڭبەگىن بۇكىل الەم قاۋىمداستىعى مويىندادى. سوندىقتان، تۇڭعىش پرەزيدەنتتىڭ تاريحي رولىنە قۇرمەتپەن قاراۋ - بارىمىزگە ورتاق مىندەت»، - دەدى مەملەكەت باسشىسى.
پرەزيدەنت نۇرسۇلتان نازاربايەۆتىڭ ساياسي مۇراسىنا كەلەشەك ۇرپاق ادىلەتتى باعا بەرەتىنىن ەسكە سالدى.
«ال، قازىرگى ۇرپاق وكىلدەرى ەلىمىز ءۇشىن تاباندى جۇمىس ىستەۋى كەرەك. ءبىز ءبارىمىز حالىق رەتىندە، ەڭ الدىمەن، ەڭبەكقور بولۋىمىز قاجەت. ساياسي ويىندارعا توسقاۋىل قويعان ءجون. ءبىز وتكەنگە جالتاقتاماي، جارقىن بولاشاعىمىزعا زور سەنىممەن قادام باسۋىمىز كەرەك. كوپ ءسوزدىڭ قاجەتى جوق، ناقتى ىسكە كوشۋگە ءتيىسپىز. باستى مىندەت - وسى»، - دەدى قاسىم- جومارت توقايەۆ.
ايتا كەتەيىك، بۇگىن مەملەكەت باسشىسى قازاقستان پوليسياسىنىڭ 30 جىلدىعىنا ارنالعان سالتاناتتى جيىندا ءسوز سويلەدى.