ساياسات تانۋشى مەملەكەتتىك حاتشى لاۋازىمى نە ءۇشىن اۋىستىرىلعانىن ءتۇسىندىردى

None
None
نۇر- سۇلتان. قازاقپارات - ساياسات تانۋشى دانيار اشىمبايەۆ بيلىك يەرارحياسىنداعى مەملەكەتتىك كەڭەسشى لاۋازىمىنىڭ قۇرىلۋىنا قاتىستى پىكىرىن ءبىلدىردى، دەپ حابارلايدى قازاقپارات ءتىلشىسى.

«اتا زاڭعا ەنگىزىلگەن وزگەرتۋلەر مەن تولىقتىرۋلارعا سايكەس، مەملەكەتتىك حاتشى لاۋازىمى جويىلىپ، جاڭادان مەملەكەتتىك كەڭەسشى لاۋازىمى قۇرىلدى. بۇعان دەيىن ايتىلعانداي، 1995 -جىلعى كونستيتۋتسياعا ەنگىزىلگەن مەملەكەتتىك حاتشى لاۋازىمىنىڭ قاتاڭ تۇردە بەلگىلەنگەن وكىلەتتىك اياسى بولعان جوق. ءار ۋاقىتتا ناقتى ءبىر تۇلعاعا بايلانىستى ايقىندالىپ وتىردى. ادەتتە، مەملەكەتتىك حاتشى قىزمەتى ىشكى (كەيدە سىرتقى) ساياساتقا قاتىستى ۇسىنىمدار ازىرلەۋدى قامتيتىن. ەرلان قارين مەملەكەتتىك حاتشى لاۋازىمىنا كەلگەننەن كەيىن بۇل لاۋازىمنىڭ نەگىزگى قىزمەتى رەتىندە پرەزيدەنتكە ىشكى ساياسات سالاسىندا ستراتەگيالىق ۇسىنىستار ازىرلەۋ بولىپ ايقىندالدى. بۇل سىرتقى ساياسات، قورعانىس نە بولماسا ايتالىق، سپورت ماسەلەلەرىنە قاراعاندا اقىلعا قونىمدى ەدى. وسى لوگيكاعا سۇيەنەر بولساق، كونستيتۋتسيالىق رەفورمالار توپتاماسىندا مەملەكەتتىك حاتشىنىڭ مارتەبەسى مەن قىزمەتىن ناقتىلاي ءتۇسۋ ءۇشىن ونىڭ اتاۋىن مەملەكەتتىك كەڭەسشى دەپ وزگەرتۋ ۇسىنىلدى»، - دەپ جازدى دانيار اشىمبايەۆ Telegram كانالىندا.

ونىڭ اتاپ وتۋىنشە، مەملەكەتتىك كەڭەسشىنىڭ مارتەبەسى مەن وكىلەتتىگى پرەزيدەنتتىڭ وسى جىلدىڭ قاڭتارىندا وسى لاۋازىمعا ايقىنداپ بەرگەن وكىلەتتىكپەن بىردەي. ول پرەزيدەنت، ۇكىمەت باسشىسى، پارلامەنت پالاتالارى ءتوراعالارىنان كەيىنگى مەملەكەتتىك حاتتاما يەرارحياسىنداعى بەسىنشى لاۋازىمدى تۇلعا بولىپ قالا بەرەدى.

«ەرلان قارين بىردەن جاڭا لاۋازىمعا قايتا تاعايىندالدى. وسىلايشا، ول قازاقستاننىڭ سوڭعى مەملەكەتتىك حاتشىسى جانە اقوردانىڭ باستى ستراتەگى رەتىندە ءبىرىنشى جاڭا مەملەكەتتىك كەڭەسشىسى بولدى»، - دەدى ول.

سونىمەن قاتار دانيار اشىمبايەۆ ۇلتتىق قوعامدىق سەنىم كەڭەسىنىڭ ۇلتتىق قۇرىلتاي بولىپ وزگەرگەنىن، ونىڭ العاشقى وتىرىسى 16-ماۋسىمدا ۇلىتاۋدا وتەتىندىگىنە نازار اۋداردى.

ايتا كەتەيىك، قازاقستان رەسپۋبليكاسىنىڭ پرەزيدەنتى قاسىم- جومارت توقايەۆ ق ر مەملەكەتتىك كەڭەسشىسىنىڭ مارتەبەسى مەن وكىلەتتىكتەرىن ايقىندايتىن جارلىققا قول قويدى. ال مەملەكەت باسشىسىنىڭ تاعى ءبىر جارلىعىمەن قازاقستان رەسپۋبليكاسى كونستيتۋتسياسىنىڭ 44-بابىنىڭ 19) تارماقشاسىنا سايكەس ەرلان تىنىمباي ۇلى قارين قازاقستان رەسپۋبليكاسىنىڭ مەملەكەتتىك كەڭەسشىسى لاۋازىمىنا تاعايىندالدى.

اۆتور: مارلان جيەمباي

سوڭعى جاڭالىقتار