ۆيتسە-پرەمەر بايانداماسىن ورىسشا جاساعان «قازپوشتا» باسشىسىن سىنعا الدى
بۇگىن ەلوردادا «2025 -جىلعا دەيىن حالىقتىڭ تابىسىن ارتتىرۋ باعدارلاماسى» كەشەندى جوسپارىن جۇزەگە اسىرۋ جونىندەگى كەڭەس وتكەن ەدى. القالى جيىندا «قازپوشتا» باسشىسى بايانداماسىن باستان-اياق ورىس تىلىندە جاساپ شىقتى. كەڭەسكە قاتىسقان ۆيتسە-پرەمەردىڭ دە قازاق تىلىندە قويعان ءبىر-ەكى ساۋالىنا ورىس تىلىندە جاۋاپ بەردى. وسىدان كەيىن ەرالى توجانوۆ سەرىك ساۋدابايەۆقا قازاق تىلىندە دە سويلەۋ كەرەكتىگىن ەسكەرتتى.
«ورىس تىلىندە كەرەمەت سويلەپ جاتىرسىزدار. قازاق تىلىندە دە سويلەۋ كەرەكتىگىن قاپەرىڭىزگە سالعىم كەلەدى. ەستەرىڭىزدە بولسىن. بۇكىل ەلدە، حالىقتىڭ اراسىندا مۇنى ءار ۋاقىتتا ەستە ساقتاۋىمىز قاجەت. مىنا جەردە وتىرعان ازاماتتاردىڭ ءبارى - وسى ەلدىڭ ازاماتتارى. سوندىقتان جۇرگەن-تۇرعان جەرىمىزدە وسىنى ۇنەمى ەسكەرۋمىز كەرەك. اينالامىزدا بولىپ جاتقان جاعدايدى كورىپ وتىرسىزدار. سوندىقتان سىزدەرگە دە تىكەلەي قاتىسى بار. وسىنى ءبارىمىز ەسكەرۋگە ءتيىسپىز»، - دەدى ۇكىمەت باسشىسىنىڭ ورىنباسارى.
اۆتور: مارلان جيەمباي
