ەشبىر پارتياعا باسىمدىق بەرمەگەنى ءجون - قاسىم-جومارت توقايەۆ

نۇر-سۇلتان. قازاقپارات - مەملەكەت باسشىسى ەشبىر پارتياعا باسىمدىق بەرمەگەنى ءجون.
None
None

بۇل تۋرالى AMANAT پارتياسىنىڭ سەزىندە پرەزيدەنت قاسىم-جومارت توقايەۆ ءمالىم ەتتى، دەپ حابارلايدى قازاقپارات ءتىلشىسى.

«ءبىز بىرلەسىپ كوپ جۇمىس اتقاردىق. دەگەنمەن، ۋاقىت ءبىر ورىندا تۇرمايدى. قازىر تالاي نارسە وزگەرىپ جاتىر. الدىمىزدا اۋقىمدى مىندەتتەر بار. بۇگىندە ەلىمىزدەگى بارلىق سالانى تۇبەگەيلى مونوپولياسىزداندىرۋ اسا ماڭىزدى. وسى ۇدەرىستەن ساياسي جۇيە دە سىرت قالماۋى كەرەك. مەملەكەت باسشىسى ەشبىر پارتياعا باسىمدىق بەرمەگەنى ءجون، ياعني ساياسي تۇرعىدان بەيتاراپ بولۋى قاجەت. بۇل - مەنىڭ ايقىن ۇستانىمىم»، - دەدى مەملەكەت باسشىسى.

وسى ورايدا پرەزيدەنت مۇنداي قاعيدا سايلاۋعا قاتىساتىن بارلىق كۇشتەرگە تەڭ مۇمكىندىك تۋعىزاتىنىن اتاپ ءوتتى.

«ساياسي جۇيەدە ادىلدىكتىڭ ورناۋىنا جول اشادى. پارتيا اتقارۋشى بيلىككە تاۋەلدى بولماسا، وعان حالىقتىڭ سەنىمى نىعايىپ، بەدەلى ارتادى. قازىر ۇيىم ماجىلىستە جانە ءماسليحاتتاردا ەداۋىر باسىمدىقتارعا يە بولىپ وتىر. سوندىقتان ۇكىمەت پەن اكىمدىكتەردىڭ جۇمىسىنا قاتاڭ باقىلاۋ جاساي الادى»، - دەدى قاسىم-جومارت توقايەۆ.

سوڭعى جاڭالىقتار