ق ر پرەزيدەنتى اسكەردە قايتىس بولعان ماڭعىستاۋلىق الىبەك قالبايدىڭ وتباسىنا كوڭىل ايتتى
نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ جامبىل وبلىسىنداعى گۆاردەيسك اسكەري قالاشىعىندا ماڭعىستاۋلىق سارباز الىبەك سالامات ۇلى قالبايدىڭ قازا بولۋىنا بايلانىستى جاقىندارى مەن تۋىستارىنىڭ ورنى تولماس قايعىسىنا ورتاقتاسىپ، كوڭىل ايتتى.
پرەزيدەنتتىڭ پىكىرىنشە، بەيبىت كۇندە اسكەردەگى سارباز قازا بولماۋعا ءتيىس. اتا- انا بالاسىن اسكەرگە جىبەرگەندە ونىڭ قاۋىپسىزدىگى ءۇشىن الاڭداماۋى كەرەك. بۇل - مەملەكەتىمىزدىڭ موينىنا العان مىندەتى.
«پرەزيدەنت وسى وقيعاعا قاتىستى باس پروكۋراتۋرا مەن قورعانىس مينيسترلىگىنە جانە قۇزىرلى ورگاندارعا جاۋىنگەردىڭ ولىمىنە قاتىستى جان- جاقتى تەكسەرۋ جۇرگىزۋدى جانە شىنايى سەبەبىن انىقتاۋدى تاپسىردى»، دەلىنگەن بورت 1 Telegram كانالىندا.
