10:54, 21 - ءساۋىر 2022 | GMT +5
"وڭتۇستىك" وڭىرلىك قولباسشىلىعىنىڭ بۇرىنعى باسشىسى قاماۋدان بوساتىلدى
نۇر-سۇلتان. قازاقپارات - گەنەرال- مايور قايدار قاراقۇلوۆ تەرگەۋ يزولياتورىنان بوساتىلدى.
بۇل اقپاراتتى ق ر ىشكى ىستەر مينيسترلىگى تەرگەۋ دەپارتامەنتىنىڭ اسكەري-تەرگەۋ باسقارماسى راستادى، دەپ حابارلايدى قازاقپارات ءتىلشىسى.
«باس پروكۋروردىڭ كومەكشىسى قاماۋدا ۇستاۋ تۇرىندەگى بۇلتارتپاۋ شاراسى قاجەتتىلىگىنىڭ بولماۋىنا بايلانىستى قاراقۇلوۆتى ۋاقىتشا ۇستاۋ يزولياتورىنان بوساتتى»، - دەپ اتاپ ءوتتى ۆەدومستۆونىڭ باسپا ءسوز قىزمەتىنەن.
دەگەنمەن، سوتقا دەيىنگى تەرگەۋ امالدارى جالعاسىپ جاتىر.
ەستەرىڭىزگە سالا كەتسەك، جامبىل وبلىسىنىڭ بايزاق اۋدانىنداعى جارىلىسقا قاتىستى «وڭتۇستىك» وڭىرلىك قولباسشىلىعىنىڭ بۇرىنعى قولباسشىسى قايدار قاراقۇلوۆ قاماۋعا الىنعان بولاتىن.
ال وسى جىلدىڭ 15-ناۋرىزىندا مەملەكەت باسشىسىنىڭ وكىمىمەن قايدار ءساميعوللا ۇلى قاراقۇلوۆ «وڭتۇستىك» وڭىرلىك قولباسشىلىعى اسكەرلەرىنىڭ قولباسشىسى لاۋازىمىنان بوساتىلدى.
