كوپبالالى وتباسىلارعا تولەنەتىن جاردەماقى مولشەرى قانداي؟

وسى جانە وزگە دە ماسەلەلەر تۋرالى «ازاماتتارعا ارنالعان ۇكىمەت» م ك الماتى فيليالىنىڭ باسپا ءسوز حاتشىسى جاڭىل اپەتوۆا سۇحبات بارىسىندا قازاقپارات تىلشىسىنە ايتىپ بەردى.
- ەلىمىزدە قانشا بالادان باستاپ كوپبالالى وتباسى مارتەبەسىن الۋعا بولادى، تولەنەتىن جاردەماقى مولشەرى قانداي؟
- قازىر قازاقستاندا ءتورتىنشى بالا دۇنيەگە كەلىسىمەن كوپبالالى وتباسى مارتەبەسىنە يە بولادى. ءبىراق مەملەكەتتەن تولەنەتىن جاردەماقى مولشەرى ءار ءتۇرلى. 2022 -جىلى كوپبالالى وتباسىلارعا جاردەماقى بىلاي تاعايىندالادى:
• 4 بالاعا - 49100 تەڭگە؛
• 5 بالاعا - 61383 تەڭگە؛
• 6 بالاعا - 73666 تەڭگە؛
• 7 بالاعا - 85948 تەڭگە؛
• 8 بالاعا - 98230 تەڭگە؛ كەلەسى ءار بالاعا 4 ايلىق ەسەپتىك كورسەتكىش مولشەرىندە اقشا قوسىلادى. قازىر 1 ا ە ك - 3063 تەڭگە. بۇگىندە بۇل جاردەماقىنى 487 مىڭنان استام قازاقستاندىق وتباسى الادى. ونىڭ ىشىندە 63437 ايەل - «التىن القا» جانە 138571 ايەل - «كۇمىس القا» يەگەرلەرى.
تاعى ءبىر ايتا كەتەرلىك ماسەلە، جوعارىداعى الەۋمەتتىك كومەك كوپبالالى وتباسىلارداعى ءار بالاعا جەكە-جەكە تولەنەدى دەگەن تۇسىنىك قاتە. بۇل اقشا بالالارى كامەلەت جاسىنا تولعانعا دەيىن ايىنا ءبىر رەت بەرىلەدى. بالالارىنىڭ ۇلكەنى 18 گە تولىپ جاتسا جاردەماقى توقتايدى. ءبىراق، ەسكەرەر تاعى ءبىر ماسەلە بار. ياعني، سول ۇلكەنى كۇندىزگى بولىمگە وقۋعا ءتۇسىپ، وزگە بالالارى كامەلەت جاسىنا تولماسا، وندا جاردەماقى 23 جاسقا دەيىن بەرىلەدى.
- كوپبالالى وتباسىلار بۇل جاردەماقىنى الۋ ءۇشىن نە ىستەۋى كەرەك؟
- وتكەن جىلدىڭ مامىر ايىندا قىزمەت كورسەتۋ جۇيەسىندە وزگەرىستەر بولدى. ياعني، ەندى ايەلدەر ءتورتىنشى نەمەسە ودان كوپ بالانى تۋعان كەزدە تاعايىندالاتىن كوپبالالى وتباسىلار جاردەماقىسىن الۋ ءۇشىن ح ق و- عا جۇگىنۋى مىندەتتى ەمەس. مەملەكەت بارلىعىن قاشىقتان SMS حابارلاما ارقىلى راسىمدەۋ مۇمكىندىگىن جاسادى. بۇرىن اتالعان جاردەماقىنى الۋ ءۇشىن ح ق و- عا بارىپ، ءوتىنىش جازىپ، جەكە كۋالىك، بالالاردىڭ تۋۋ تۋرالى كۋالىكتەرى مەن نەكە قيۋ كۋالىگى سياقتى قۇجاتتاردى ۇسىنۋ قاجەت ەدى. ەندى ءبارى جەڭىل. باستىسى ءوزىڭىزدىڭ Egov قىزمەتتەرىن پايدالانۋشىنىڭ جەكە مالىمەتتەرى جيناقتالىپ، ساقتالاتىن موبيلدى ازاماتتار بازاسىندا تىركەلگەنىڭىزدى انىقتاۋ كەرەك. سول كەزدە كوپبالالى وتباسى مارتەبەسىنە يە بولدىڭىز دەگەن SMS حابارلاما كەلەدى. حابارلاماعا كەلىسىمىڭىزدى بەرەسىز جانە بانك ەسەپشوتىڭىزدى كورسەتەسىز. بولدى. ارى قاراي قاجەتتى قۇجاتتار اۆتوماتتى تۇردە قارالىپ، الەۋمەتتىك جاردەماقى تاعايىندالادى. باستى ماقسات - حالىقتى بارىنشا قاشىقتىقتان ءىسىن بىتىرۋگە، ۋاقىتىن ۇنەمدەۋگە جانە قىزمەت كورسەتۋدى بارىنشا جەڭىل، ءارى ءتيىمدى ەتۋگە مۇمكىندىك جاساۋ.
- موبيلدى بازا دەگەنىمىز نە، وعان قالاي تىركەلەمىز؟
- بۇگىندە ءبىراز قاجەتتى قۇجاتتار مەن وتىنىشتەردى ءار ادام ۇيالى تەلەفونداعى Egov قوسىمشاسى ارقىلى جۇزەگە اسىرا الادى. ول ءۇشىن ەڭ باستى تالاپ - بازاعا تىركەلۋ. ونىڭ پروتسەسى دە وپ- وڭاي: Egov.kz پورتالىنا كىرەسىز. ودان كەيىن وڭ جاق تومەنگى بۇرىشتان «ۆيرتۋالدى اسسيستەنت» دەگەندى باساسىز. ارى قاراي كامەرا باتىرماسىنا باسىپ، بەينەتۇسىرىلىمگە رۇقسات بەرەسىز. بايلانىسقا شىققان وپەراتورعا جەكە كۋالىگىڭىزدى كورسەتىپ، ج س ن ءنومىرىڭىزدى، تەلەفون ءنومىرىڭىزدى، تەلەفونعا كەلىپ تۇسكەن ءبىر رەتتىك كودتى حابارلايسىز. بولدى. ارى قاراي وزىڭىزگە قاجەت قىزمەتتى ونلاين الۋعا تولىقتاي مۇمكىندىك بەرىلەدى. جالپى، وسى جىلدىڭ وزىندە ءبىر عانا الماتى قالاسىندا 696 ايەل كوپبالالى انا اتانسا، ونىڭ 318 ى الەۋمەتتىك جاردەماقى الۋ ءۇشىن قىزمەتتى قاشىقتىقتان الدى. بۇل حالىقتىڭ ونلاين قىزمەتكە سۇرانىسى ارتىپ كەلە جاتقانىنىڭ كورىنىسى. دەسە دە، ءالى ءبىراز ادام بىلمەيدى. سول سەبەپتى قازىر قىزمەتتىڭ مەيلىنشە جەڭىلدەگەنىن بىلە جۇرگەن ابزال.
- سۇحباتىڭىزعا راحمەت.
اۆتور: دۋمان ارعىنگەلدى