جەڭىلدەتىلگەن اۆتونەسيە الۋدىڭ كەيبىر شارتتارى وزگەردى – سكليار

نۇر-سۇلتان. قازاقپارات - جەڭىلدەتىلگەن اۆتونەسيەلەۋ باعدارلاماسىنىڭ كەيبىر شارتتارى وزگەردى.
None
None

بۇل تۋرالى ق ر پرەمەر-ءمينيسترىنىڭ ءبىرىنشى ورىنباسارى رومان سكليار ايتىپ بەردى، دەپ حابارلايدى قازاقپارات ءتىلشىسى.

«وتكەن اپتادا ءبىز ۇكىمەتتىڭ جەڭىلدەتىلگەن نەسيە بەرۋ تۋرالى قاۋلىسىن قابىلدادىق. اپتا سوڭىنا دەيىن «بايتەرەك» ءبىرقاتار مەملەكەتتىك ورگاندارمەن بىرلەسىپ، بۇل جۇمىستى اياقتايدى»، - دەدى رومان سكليار ۇكىمەت وتىرىسىنان كەيىن تىلشىلەرگە بەرگەن سۇحباتىندا.

پرەمەردىڭ ورىنباسارى جەڭىلدەتىلگەن اۆتونەسيە الۋ ءۇشىن قازاقستاندىقتار قايدا جۇگىنۋى كەرەك دەگەن سۇراققا جاۋاپ بەردى.

«ءبارى بۇرىنعىداي قالادى. ءدال وسى باعدارلاما جاي عانا ۇزارتىلادى جانە كەيبىر شارتتارى وزگەردى. مىسالى، باستاپقى جارنانى الىپ تاستادىق، سوماسى ۇلعايدى»، - دەپ ءتۇسىندىردى ر. سكليار.

ونىڭ ايتۋىنشا، جەڭىلدەتىلگەن اۆتونەسيەلەۋ باعدارلاماسىنا قىزىعۋشىلىق تانىتاتىندار كوپ، ال ەگجەي-تەگجەيىن «بايتەرەك» حولدينگىنەن انىقتاۋعا بولادى. سونىمەن بىرگە سپيكەر ەلدەگى اۆتوكولىك تاپشىلىعى تۋرالى سۇراققا جاۋاپ بەردى.

«بۇل الەم ەلدەرىندە بولىپ وتىرعان جاعداي. كولىككە قاجەتتى چيپتەر جەتىسپەۋشىلىگى بار. ءوندىرىس ازايىپ، اۆتوموبيلدەرگە سۇرانىس ارتتى. ءبىز بۇل ماسەلەدە جالعىز ەمەسپىز. بۇل جاعداي ءبىزدىڭ ەلدە عانا بولعان جوق»، - دەدى رومان سكليار.

ايتا كەتەيىك، ق ر يندۋستريا جانە ينفراقۇرىلىمدىق دامۋ مينيسترلىگى ەكولوگيا، گەولوگيا جانە تابيعي رەسۋرستار مينيسترلىگىمەن بىرلەسىپ، «جاسىل دامۋ» ا ق قاراجاتى ەسەبىنەن قازاقستاننىڭ ازاماتتارىنا جەڭىلدەتىلگەن اۆتونەسيە بەرۋ جانە اۆتوبۋس پاركىن جاڭارتۋ بويىنشا باعدارلاما ازىرلەدى. قارىز الۋشىعا 2 جىلدىڭ ىشىندە ءبىر رەتتەن ارتىق اۆتونەسيە الۋعا تىيىم سالاتىن شەكتەۋ بار. الدىن الا بولجام بويىنشا، بيىل جەڭىلدەتىلگەن اۆتونەسيەمەن 15-17 مىڭ ادام كولىك ساتىپ الادى.


سوڭعى جاڭالىقتار