كاسىپكەرلەردى قولداۋ كۇشەيەدى
ق ر ۇلتتىق ەكونوميكا ءمينيسترىنىڭ ءبىرىنشى ورىنباسارى تيمۋر جاقسىلىقوۆ وسىنداي مالىمەت بەردى.
«قويىلعان ماقساتتار مەن مىندەتتەرگە قول جەتكىزۋ ءۇشىن تۇجىرىمدامادا مىنالار جوسپارلانعان: - نارىقتىڭ جەكەلەگەن قاتىسۋشىلارىنا ادىلەتسىز ارتىقشىلىقتار جاسايتىن بارلىق زاڭنامالىق جانە رەتتەۋشىلىك اكتىلەردىڭ كۇشىن جويۋ؛ - ش و ك ءۇشىن رەتتەۋشىلىك كەدەرگىلەردى قىسقارتۋ؛ - شەكتەۋلى بيۋدجەت رەسۋرستارىن پايدالانۋدىڭ تيىمدىلىگىن ارتتىرۋ ماقساتىندا جەكە رەسۋرستار الدىندا ۇجىمدىق پايداعا ارتىقشىلىق بەرۋ؛ - جاڭا باستاعان جانە جۇمىس ىستەپ تۇرعان بيزنەس ءۇشىن ساپالى ونەركاسىپتىك، يننوۆاتسيالىق جانە كرەاتيۆتى ينفراقۇرىلىمنىڭ ارتىق ۇسىنىسىن جاساۋدى ىنتالاندىرۋ؛ - بيزنەس ەسەپتىلىگىن اۆتوماتتاندىرۋ جانە تسيفرلاندىرۋ؛ - رۇقسات بەرۋ قۇجاتتارىن قىسقارتۋ»، - دەدى ءبىرىنشى ۆيتسە-مينيستر.
ونىڭ ايتۋىنشا، ءتيىمدى جانە باسەكەگە قابىلەتتى كاسىپكەرلەردى قولداۋعا قايتا باعدارلاۋ ارقىلى كەشەندى قولداۋ شارالارىن ۇسىنۋ جۇيەسىن قايتا قاراۋ ۇسىنىلىپ وتىر. تۇجىرىمدامانىڭ ەرەجەلەرىن ىسكە اسىرۋ 2030 -جىلعا دەيىن: ج ءى ءو- دەگى ش و ك ۇلەسى - %40 عا دەيىن؛ ج ءى ءو- دەگى ورتا كاسىپكەرلىكتىڭ ۇلەسى - %20 عا دەيىن؛ ش و ك- تا جۇمىسپەن قامتىلعاندار سانى - 5 ملن ادامعا دەيىن ارتتىرۋعا مۇمكىندىك بەرەدى.
«تۇجىرىمدامانى قابىلداۋ شاعىن بيزنەستى ورتا جانە ورتا بيزنەسكە ءىرى بيزنەسكە اينالدىرۋعا ىقپال ەتەدى، بۇل ءوز كەزەگىندە تۇتاستاي ەكونوميكاعا وڭ مۋلتيپليكاتيۆتى اسەر ەتەتىن بولادى»، - دەدى تيمۋر جاقسىلىقوۆ.
اتالعان شارادا تيمۋر جاقسىلىقوۆ قاڭتار وقيعاسى كەزىندە زارداپ شەككەن شاعىن جانە ورتا بيزنەس نىساندارىنىڭ ناقتى سانىن اتاعان بولاتىن.
