ەلباسىعا قاتىستى زاڭنامانى وزگەرتۋ ءماجىلىستىڭ كۇنتارتىبىندە تۇرعان جوق - ادىلەت ءمينيسترى

نۇر- سۇلتان. قازاقپارات - ادىلەت مينيسترلىگىنىڭ تۇڭعىش پرەزيدەنت تۋرالى زاڭعا وزگەرتۋ ەنگىزۋگە باستاما جاساۋ قۇقىق جوق. بۇل تۋرالى ق ر ادىلەت ءمينيسترى قانات مۋسين ايتتى، دەپ حابارلايدى قازاقپارات ءتىلشىسى.
None
None

«تۇڭعىش پرزيدەنت تۋرالى زاڭ جايىندا ايتار بولساق، تاعى دا قايتالايمىن، قازاقستان كونستيتۋتسياسى بويىنشا زاڭنامالىق باستاما جاساۋ قۇقىعى ءۇش سۋبەكتىگە - پرەزيدەنتكە، ۇكىمەتكە جانە پارلامەنت دەپۋتاتتارىنا تيەسىلى. ادىلەت مينيسترلىگى مەملەكەتتىك ورگان رەتىندە زاڭنامالىق باستاما جاساي المايدى. سوعان وراي تۇڭعىش پرەزيدەنت تۋرالى زاڭنامانىڭ كۇشىن جويۋ نەمەسە وزگەرتۋلەر ەنگىزۋ تۋرالى پارلامەنتكە ۇسىنىس ەنگىزۋ قۇقىعى جوق- دەپ اتاپ ءوتتى قانات مۋسين ورتالىق كوممۋنيكاتسيالار قىزمەتىندەگى باسپا ءسوز ءماسليحاتى بارىسىندا.

ونىڭ ايتۋىنشا اتالعان زاڭعا وزگەرتۋلەر قاجەتتىگى قازاقستان قوعامىنىڭ پىكىرىن ەسكەرە وتىرىپ، قابىلداناتىن بولادى.

«ول ءماجىلىس دەپۋتاتتارىنىڭ، سونىمەن قاتار زاڭناماعا باستاما جاساي الاتىن وزگە دە سۋبەكتىلەردىڭ وكىلەتتىكتەرى ارقىلى جۇزەگە اسىرىلۋى مۇمكىن. سوندىقتان «زاڭناماعا وزگەرتۋلەر ەنگىزىلە مە؟»، «قاشان ەنگىزىلەدى؟» دەگەن ساۋالعا جاۋاپ بەرە المايمىن. ويتكەنى، بۇل ماسەلە پارلامەنت ءماجىلىسىنىڭ كۇنتارتىبىندە تۇرعان جوق. بولاشاق كورسەتەدى»، - دەدى مينيستر.

اۆتور: مارلان جيەمباي

سوڭعى جاڭالىقتار