كولىك ايداۋدى ۇيرەتەتىن مەكتەپتەرگە قويىلاتىن تالاپ كۇشەيتىلۋى مۇمكىن
«2018 -جىلى جۇرگىزۋشىلەردى دايارلايتىن وقۋ ۇيىمدارى قىزمەتىن باقىلاۋ فۋنكتسيالارىن ق ر ىشكى ىستەر مينيسترلىگىنىڭ قۇزىرەتىنەن الىپ تاستاعان ساتتەن باستاپ كورسەتىلگەن مىندەتتەردى «جول ءجۇرۋ تۋرالى» زاڭنىڭ 80-بابى بويىنشا ءاربىر وڭىردەگى كاسىپتىك بىرلەستىكتەر ورىندايدى («قازاقستان جۇرگىزۋشىلەرى وداعى»، «كولىك جانە جول قىزمەتكەرلەرىنىڭ كاسىپوداعى» جانە باسقالار)» دەپ جازادى ءا . سمايىلوۆ ءوز جاۋابىندا.
ونىڭ ايتۋىنشا، اتالعان بىرلەستىكتەر جۇمىس تاجىريبەسىن تاراتۋعا جانە كولىك جۇرگىزۋشىلەرىن دايارلاۋ ستاندارتى بويىنشا ۇسىنىستار بەرۋگە، وقۋ ۇيىمدارىنىڭ قۇقىقتارى مەن زاڭدى مۇددەلەرىن قورعاۋعا، ولاردىڭ رەيتينگىن وتكىزۋگە، وقىتۋشىلاردىڭ بىلىكتىلىگىن ارتتىرۋ كۋرستارىن ۇيىمداستىرۋعا، ءتيىستى سەرتيفيكات بەرۋگە جانە باسقا شارالارعا قۇقىلى.
«ۇلتتىق ەكونوميكا مينيسترلىگىنىڭ مالىمەتىنشە، كولىك جۇرگىزۋ مەكتەپتەرىنىڭ قىزمەتىن ليتسەنزيالاۋدى ەنگىزۋ قازاقستاننىڭ 2025 -جىلعا دەيىنگى ۇلتتىق دامۋ جوسپارىندا ايتىلعان اكىمشىلىك كەدەرگىلەردى قىسقارتۋ جانە بيزنەس قۇرۋ ءراسىمىن وڭايلاتۋ جونىندەگى باسىمدىقتارعا سايكەس كەلمەيدى. ءوز كەزەگىندە ق ر ىشكى ىستەر مينيسترلىگى بيزنەستى باقىلاۋدى قاتاڭداتۋعا سالىنعان موراتوري اياقتالعاننان كەيىن كولىك جۇرگىزۋ مەكتەپتەرىنىڭ قىزمەتىن حابارلامالىقتان رۇقسات بەرۋ تارتىبىنە اۋىستىرۋ ماسەلەسىن قاراستىرۋعا بولادى دەپ وتىر»، - دەپ تۇيىندەدى پرەمەر- مينيستر.
اۆتور: ايجان سەرىكجان قىزى
