قازاق تەلەكوم اكسياسىن قايتارۋ كەلىسىمشارتىنان داۋ تۋىندايتىنداي نەگىز جوق – مينيستر

نۇر-سۇلتان. قازاقپارات – ق ر ادىلەت ءمينيسترى قانات مۋسين «قازاق تەلەكومنىڭ» %28,8 اكسياسىن مەملەكەتكە سىيعا بەرۋ ارقىلى تابىستاۋ پروتسەدۋراسىنىڭ ىقتيمال قۇقىقتىق سالدارى تۋرالى پىكىر ءبىلدىردى، دەپ حابارلايدى قازاقپارات ءتىلشىسى.

«مەملەكەتتىك مۇلىك» تۋرالى زاڭ بويىنشا، مەملەكەتتىك مۇلىك سىيعا بەرۋ ارقىلى دا الىنادى. زاڭنامادا ونداي قالىپ بار. سىيعا بەرۋ تۋرالى كەلىسمىشارت زاڭدا بەلگىلەنگەن تارتىپپەن ىسكە اسادى، نوتاريۋسپەن راستالادى، بۇكىل زاڭ تالاپتارى ساقتالعان. سوندىقتان، ەرتەڭ سىيعا بەرۋ كەلىسىمشارتىنا قاتىستى داۋ تۋىنداۋى مۇمكىن، كەيبىر بولىكتەرى بويىنشا كەلىسىمشارت بۇزىلادى دەپ ايتۋعا نەگىز جوق. ونداي نەگىز بولمايتىنىنا سەنىمدىمىن»، - دەدى مينيستر ورتالىق كوممۋنيكاتسيالار قىزمەتىندە وتكەن بريفينگىدە.

ەسكە سالساق، «قازاق تەلەكوم» اكسيالارىنىڭ 28,8 پايىزى مەملەكەتتىك مەنشىككە قايتارىلاتىنى حابارلانعان بولاتىن.