ماعزۇم مىرزاعاليەۆ قازمۇنايگاز ۇلتتىق كومپانياسىنا باسشى بولدى

نۇر-سۇلتان. قازاقپارات - «سامۇرىق- قازىنا» ۇلتتىق ءال-اۋقات قورى» ا ق باسقارماسىنىڭ شەشىمىمەن جانە پرەزيدەنت اكىمشىلىگىنىڭ كەلىسىمىمەن ماعزۇم مىرزاعاليەۆ «قازمۇنايگاز» ۇلتتىق كومپانياسى» ا ق باسقارما ءتوراعاسى بولىپ تاعايىندالدى، دەپ حابارلايدى قازاقپارات.

بۇل جايىندا اقپارات قوردىڭ رەسمي سايتىندا جاريالاندى.

ەسكە سالا كەتەيىك، بۇگىن تاڭەرتەڭ ماعزۇم مىرزاعاليەۆ قازاقستان پرەزيدەنتىنىڭ كەڭەسشىسى لاۋازىمىنان بوساتىلعان ەدى. ماعزۇم مارات ۇلى 1978 -جىلى 7-قاراشادا الماتى قالاسىندا تۋعان. «تۇران» ۋنيۆەرسيتەتىن، سىرتقى ىستەر مينيسترلىگىنىڭ ديپلوماتيالىق اكادەمياسىن، ش. ەسەنوۆ اتىنداعى قازاق مەملەكەتتىك تەحنولوگيا جانە ينجينيرينگ ۋنيۆەرسيتەتىن بىتىرگەن.

2001-2004 -جىلدارى - تەڭىز جانە باتىس ءسىبىر كەنىشتەرىندە «MIDrillingFluidsInternational» (Schlumberger) بۇرعىلاۋ ەرىتىندىلەرى جونىندەگى ينجەنەر.

2004-2007 -جىلدارى - «MIDrillingFluidsInternational» اقتاۋ فيليالىندا بيزنەستى دامىتۋ مەنەدجەرى، ءوندىرىس جونىندەگى مەنەدجەر، فيليال باسشىسى.

2007-2010 -جىلدارى - «قازمۇنايگاز» ۇ ك» ا ق «تەڭىزسەرۆيس» ج ش س باس ديرەكتورى.

2010-2012 -جىلدارى - «قازمۇنايگاز» ۇ ك» ا ق باسقارۋشى ديرەكتورى.

2010-2013 -جىلدارى - «قازمۇنايگاز» ۇ ك» ا ق باسقارما ءتوراعاسىنىڭ يننوۆاتسيالىق دامىتۋ جانە سەرۆيستىك جوبالار جونىندەگى ورىنباسارى.

2013-2014 -جىلدارى – ق ر مۇناي گاز ۆيتسە-ءمينيسترى. 2014-2019 -جىلدار – ق ر ەنەرگەتيكا ۆيتسە- ءمينيسترى.

2019-2021 -جىلدارى - قازاقستان رەسپۋبليكاسىنىڭ ەكولوگيا، گەولوگيا جانە تابيعي رەسۋرستار ءمينيسترى.

2021-2022 -جىلدارى قازاقستان رەسپۋبليكاسىنىڭ ەنەرگەتيكا ءمينيسترى بولدى.

2022 -جىلدىڭ قاڭتارىنان بەرى پرەزيدەنت كەڭەسشىسى قىزمەتىن اتقاردى.