قازاقستان شەكارالاس ەلدەرمەن اراداعى شەكتەۋلەردى الىپ تاستادى

نۇر- سۇلتان. قازاقپارات - قازاقستاننىڭ قىرعىزستان، وزبەكستان جانە رەسەي مەملەكەتتەرىمەن اراداعى قۇرلىق شەكاراسىنداعى شەكتەۋلەر الىندى، دەپ حابارلايدى قازاقپارات ءتىلشىسى.

ەل اۋماعىندا كوروناۆيرۋستىق ينفەكتسيانىڭ تارالۋىنا جول بەرمەۋ جونىندەگى ۆەدومستۆوارالىق كوميسسيا مۇنداي شەشىمدى 6- ءساۋىر كۇنى قابىلداعان.

اتالعان قۇجاتقا سايكەس، بۇگىننەن باستاپ شەكارالاس ەلدەر اراسىندا ازاماتتار وتكىزۋ بەكەتتەرىن شەكتەۋسىز كەسىپ وتە الادى. سونداي- اق قازاقستاننىڭ مەملەكەتتىك شەكاراسىن اۋەقاتىناسى ارقىلى كەسىپ وتۋگە بەلگىلەنگەن بارلىق شەكتەۋلەر توقتاتىلدى. ءبىراق پ ت ر ادىسىمەن COVID-19 زەرتتەۋىنىڭ تەرىس ناتيجەسى بار انىقتامانى نەمەسە قازاقستاندىقتار مەن قازاقستان اۋماعىندا تۇرۋعا ىقتيارحاتى بار شەتەل ازاماتتارى ۆاكسينالاۋ، ريەۆاكسينالاۋدىڭ تولىق كۋرسىنان وتكەندىگىن راستايتىن قۇجاتتى مىندەتتى تۇردە ۇسىنۋ جونىندەگى تالاپ ساقتالاتىنىن ەستە ساقتاۋ قاجەت.