21:45, 30 - ناۋرىز 2022 | GMT +6
ورتالىق سايلاۋ كوميسسياسىنىڭ جاڭا حاتشىسى سايلاندى
نۇر-سۇلتان. قازاقپارات - 2022 -جىلعى 30-ناۋرىزدا نۇرلان ءابدىروۆتىڭ توراعالىعىمەن ورتالىق سايلاۋ كوميسسياسىنىڭ وتىرىسى ءوتتى، دەپ حابارلايدى قازاقپارات ق ر ورتالىق سايلاۋ كوميسسياسىنىڭ باسپا ءسوز قىزمەتىنە سىلتەمە جاساپ.
وتىرىستا «قازاقستان رەسپۋبليكاسىنداعى سايلاۋ تۋرالى» كونستيتۋتسيالىق زاڭنىڭ 11-بابىنىڭ 2-تارماعىنا سايكەس ورتسايلاۋكومنىڭ حاتشىسى بولىپ ەرمان مۇحتار تىلدابەك ۇلى سايلاندى.
مۇحتار ەرمان بيىلعى جىلعى 30-ناۋرىزدا قازاقستان رەسپۋبليكاسى پارلامەنتىنىڭ ءماجىلىسى ارقىلى ورتالىق سايلاۋ كوميسسياسىنىڭ مۇشەسى بولىپ تاعايىندالعان.
«بۇعان دەيىن ورتسايلاۋكوم حاتشىسى قىزمەتىن اتقارعان شەگورتسوۆا اناستاسيا گەنناديەۆنا ق ر و س ك مۇشەسى رەتىندە قىزمەتىن جالعاستىرا بەرەدى»، - دەلىنگەن حابارلامادا.
