مەملەكەت باسشىسى جولداۋدى جۇزەگە اسىرۋ جونىندە ارنايى جوسپار بەكىتۋ تۋرالى جارلىققا قول قويدى

مەملەكەت باسشىسىنىڭ 2022 -جىلعى 16- ناۋرىزداعى «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىن ىسكە اسىرۋ جونىندەگى شارالار تۋرالى

مەملەكەت باسشىسىنىڭ 2022 -جىلعى 16- ناۋرىزداعى «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىن ىسكە اسىرۋ ماقساتىندا قاۋلى ەتەمىن:

1. قوسا بەرىلىپ وتىرعان مەملەكەت باسشىسىنىڭ 2022 -جىلعى 16- ناۋرىزداعى «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىن ىسكە اسىرۋ جونىندەگى جالپى ۇلتتىق ءىس- شارالار جوسپارى (بۇدان ءارى – جالپى ۇلتتىق جوسپار) بەكىتىلسىن.

2. قازاقستان رەسپۋبليكاسىنىڭ ۇكىمەتى:

1) جالپى ۇلتتىق جوسپار ءىس- شارالارىنىڭ مۇلتىكسىز جانە ۋاقتىلى ورىندالۋىن، سونداي- اق مەملەكەت باسشىسىنىڭ 2022 -جىلعى 16- ناۋرىزداعى «جاڭا قازاقستان: جاڭارۋ مەن جاڭعىرۋ جولى» اتتى قازاقستان حالقىنا جولداۋىنىڭ ەرەجەلەرى بويىنشا اقپاراتتىق- ءتۇسىندىرۋ جۇمىسىن جۇيەلى نەگىزدە جۇرگىزۋدى قامتاماسىز ەتسىن؛

2) ەسەپتى جىلدان كەيىنگى جىلدىڭ 25- قاڭتارىنا دەيىن قازاقستان رەسپۋبليكاسى پرەزيدەنتىنىڭ اكىمشىلىگىنە جالپى ۇلتتىق جوسپاردىڭ ورىندالۋ بارىسى تۋرالى اقپارات ۇسىنسىن.

3. قازاقستان رەسپۋبليكاسىنىڭ پرەزيدەنتىنە تىكەلەي باعىناتىن جانە ەسەپ بەرەتىن مەملەكەتتىك ورگانداردىڭ، ورتالىق جانە جەرگىلىكتى اتقارۋشى ورگانداردىڭ، باسقا دا مەملەكەتتىك ورگانداردىڭ ءبىرىنشى باسشىلارى جالپى ۇلتتىق جوسپار ءىس- شارالارىنىڭ مۇلتىكسىز جانە ۋاقتىلى ورىندالۋىن قامتاماسىز ەتسىن.

4. وسى جارلىقتىڭ ورىندالۋىن باقىلاۋ قازاقستان رەسپۋبليكاسى پرەزيدەنتىنىڭ اكىمشىلىگىنە جۇكتەلسىن.

5. وسى جارلىق قول قويىلعان كۇنىنەن باستاپ قولدانىسقا ەنگىزىلەدى.

قازاقستان رەسپۋبليكاسىنىڭ پرەزيدەنتى ق. توقايەۆ

نۇر- سۇلتان، اقوردا، 2022 -جىلعى 29-ناۋرىز № 847