مەملەكەت باسشىسى عالىمجان ءپىرماتوۆقا ءبىرقاتار تاپسىرما بەردى

None
None
نۇر- سۇلتان. قازاقپارات - پرەزيدەنت قاسىم- جومارت توقايەۆ ۇلتتىق بانك ءتوراعاسى عالىمجان ءپىرماتوۆتى قابىلدادى، دەپ حابارلايدى اقوردا.

مەملەكەت باسشىسىنا ۇلتتىق بانكتىڭ 2022 -جىلعى 1-توقساندا جۇزەگە اسىرعان اقشا- كرەديت ساياساتىنىڭ الدىن الا قورىتىندىلارى جونىندە، سونداي- اق قارجى جانە باعا تۇراقتىلىعىن قامتاماسىز ەتۋ ءۇشىن قابىلدانىپ جاتقان شارالار تۋرالى ەسەپ بەرىلدى.

پرەزيدەنتكە سىرتقى جانە ىشكى نارىقتارداعى احۋال جايىندا باياندالدى. عالىمجان ءپىرماتوۆ ۆاليۋتا نارىعىندا قالىپتاسقان ۇردىستەر، ۇلتتىق بانكتىڭ التىن- ۆاليۋتا رەزەرۆتەرى مەن ۇلتتىق قورداعى اكتيۆتەردىڭ جاي- كۇيى تۋرالى ايتتى.

سونىمەن قاتار قاسىم- جومارت توقايەۆقا ينفلياتسيانىڭ قارقىنى، بانك جۇيەسىندەگى دەپوزيتتەر قۇرىلىمىنىڭ وزگەرۋى، زەينەتاقى اكتيۆتەرىنىڭ جاعدايى مەن تولەم جۇيەسىنىڭ دامۋى جونىندە مالىمەت بەرىلدى. كەزدەسۋ سوڭىندا مەملەكەت باسشىسى ءبىرقاتار ناقتى تاپسىرما بەردى.

سوڭعى جاڭالىقتار