نەگىزسىز جەكەشەلەندىرىلگەن نىساندار مەملەكەتكە قايتارىلادى

None
None
نۇر-سۇلتان. قازاقپارات - مەملەكەت باسشىسىنىڭ تاپسىرماسىن ورىنداۋ ماقساتىندا ق ر ۇكىمەتى جانىنان ەكونوميكانى مونوپولياسىزداندىرۋ جونىندەگى كوميسسيا قۇرىلدى، دەپ حابارلايدى قازاقپارات primeminister.kz-كە سىلتەمە جاساپ.

كوميسسيا قۇرامىنا سىبايلاس جەمقورلىققا قارسى ءىس- قيمىل، قارجى مونيتورينگى، باسەكەلەستىكتى قورعاۋ جانە دامىتۋ اگەنتتىكتەرىنىڭ ءبىرىنشى باسشىلارى، ۇكىمەت مۇشەلەرى، باس پروكۋراتۋرانىڭ جانە «سامۇرىق- قازىنا» ا ق وكىلدەرى كىردى. كوميسسيانىڭ مىندەتى - مونوپولياسىزداندىرۋ بويىنشا ۇسىنىمدار ازىرلەۋ.

اتاپ ايتقاندا، كوميسسيا جۇمىسى شەڭبەرىندە تەلەكوممۋنيكاتسيا، تەمىرجول ينفراقۇرىلىمى، مەديا اكتيۆتەر جانە باسقا سالالارداعى نەگىزسىز جەكەشەلەندىرىلگەن نىسانداردى مەملەكەت مەنشىگىنە بەرۋ ماسەلەلەرى قارالاتىن بولادى. بۇگىن كوميسسيانىڭ العاشقى وتىرىسى ءوتتى، وندا ق ر قارجى ءمينيسترى ە. جاماۋبايەۆ، باس پروكۋروردىڭ ورىنباسارى ب. دەمبايەۆ جانە ت. ب.

بايانداما جاسادى. العاشقى وتىرىستىڭ قورىتىندىسى بويىنشا ءاليحان سمايىلوۆ قارجى مينيسترلىگىنە ۋاكىلەتتى مەملەكەتتىك ورگاندارمەن جانە «سامۇرىق- قازىنا» ا ق- مەن بىرلەسىپ، ءبىر اپتا ىشىندە ۇكىمەتكە نەگىزسىز جەكەشەلەندىرىلگەن نىسانداردى مەملەكەت مەنشىگىنە بەرۋ تەتىكتەرى بويىنشا ۇسىنىستار ەنگىزۋدى تاپسىردى.


سوڭعى جاڭالىقتار