جەڭىلدەتىلگەن اۆتونەسيە شارتتارى قاشان بەلگىلى بولادى؟

نۇر-سۇلتان. قازاقپارات - جەڭىلدەتىلگەن اۆتونەسيە شارتتارى قاشان بەلگىلى بولاتىنى ايتىلدى، - دەپ حابارلايدى tengrinews.kz تىلشىسى يندۋستريا جانە ينفراقۇرىلىمدىق دامۋ مينيسترلىگىنە سىلتەمە جاساپ.

ۆەدومستۆو مالىمەتىنشە، تالاپتار مەن كريتەريلەر بيىل ءساۋىردىڭ اياعىنا دەيىن بەكىتىلمەك.

«وتاندىق تەحنيكانى ساتىپ الۋ شارتتارى، سونداي-اق قارجىلاندىرۋ ءتارتىبى مەملەكەتتىك ورگانداردا كەلىسۋ راسىمدەرىنەن ءوتۋ ساتىسىندا. ءساۋىردىڭ سوڭىنا دەيىن بارلىق راسىمدەردى اياقتاۋ جوسپارلانىپ وتىر»، - دەلىنگەن حابارلامادا.

يندۋستريا جانە ينفراقۇرىلىمدىق دامۋ مينيسترلىگى ەكولوگيا، گەولوگيا جانە تابيعي رەسۋرستار مينيسترلىگىمەن بىرلەسە وتىرىپ، «جاسىل دامۋ» ا ق قاراجاتى ەسەبىنەن قازاقستان ازاماتتارىنىڭ جەڭىلدەتىلگەن نەسيەگە اۆتوكولىكتەر ساتىپ الۋى، سونداي-اق اۆتوبۋستار پاركىن جاڭارتۋ باعدارلاماسىن ازىرلەپ جاتىر.

«جەڭىلدەتىلگەن نەسيەلەندىرۋ باعدارلاماسى بويىنشا قارجىلاندىرۋدىڭ جالپى سوماسى شامامەن 100 ميلليارد تەڭگە جانە قازاقستان ايماقتارىندا اۆتوبۋستاردى جاڭارتۋعا شامامەن 30 ميلليارد تەڭگە. ماسەلەن، حالىق ءۇشىن ساتىپ الۋ شارتتارى 0 پايىزدان باستاپ باستاپقى جارنا، نەسيە مەرزىمى 7 -جىلعا دەيىن، ساتىپ الۋشى ءۇشىن 1 بىرلىك اۆتوكولىك ءۇشىن نەسيەنىڭ ماكسيمالدى سوماسى 10000000 تەڭگەدەن اسپايدى»، - دەلىنگەن حابارلامادا.