ەلوردادا ۇلتتىق ءداستۇر مەن ونەردى دارىپتەۋشىلەرگە «ناۋرىز سىيلىعى» تابىستالادى
«25-ناۋرىزدا نۇر-سۇلتان قالاسى اكىمدىگىنىڭ ۇيىمداستىرۋىمەن بىلتىردان بەرى جۇزەگە اسىرىلىپ كەلە جاتقان «ناۋرىز سىيلىعى» ۇلتتىق سىيلىعى تابىستالادى. اتالعان جوبا تەك مادەنيەتتى عانا ەمەس، سونىمەن بىرگە ۇلتتىق بايلىقتىڭ بارلىق الۋان تۇرلىلىگىن بىلدىرەتىن حالىق شەبەرلەرىنە ارنالعان»، - دەدى ق ر مادەنيەت جانە سپورت ۆيتسە-ءمينيسترى نۇرعيسا داۋەشوۆ و ك ق- دە وتكەن باسپا ءسوز ءماسليحاتىندا.
ۇيىمداستىرۋشىلاردىڭ ايتۋىنشا، ۇلتتىق سىيلىق 8 نوميناتسيا بويىنشا تابىس ەتىلەدى. بۇگىندە جەڭىمپازداردىڭ اتى- ءجونى بەلگىلى. ودان بولەك، ۆيتسە-مينيستر ناۋرىز مەيرامى كۇندەرى ەلىمىزدىڭ بارلىق اۋماعىندا كوتپەگەن بۇقارالىق- مادەني ءىس-شارانىڭ وتەتىنىن ايتتى.
«كوپشىلىكتىڭ قاتىسۋىمەن ءتۇرلى دەڭگەيدەگى مادەني، سپورتتىق ۇلتتىق ءىس- شارالار، ايتىستار، كونتسەرتتىك باعدارلامالار، كورمەلەر، قازاق حالىق اسپاپتار فەستيۆالدەرى وتەدى. سونىمەن قاتار ءتۇرلى بايقاۋلار، تەاترلاندىرىلعان قويىلىمدار، چەللەنجدەر، شەرۋلەر، كەزدەسۋلەر، سايىستار، ۇلى تۇلعالاردىڭ مەرەيتويلارىنا ارنالعان كونفەرەنسيالار، قولونەر كورمەلەرى ۇيىمداستىرىلماق. ودان بولەك، ۇلتتىق تاماق، ۇلتتىق ويىن، كۇرەس، ارقان تارتۋ، اسىق اتۋ، توعىزقۇمالاق، قول كۇرەس، اتالاردىڭ، اجەلەردىڭ بايقاۋى بولادى»، - دەيدى ول.
