تورەگەلدى شارمانوۆتىڭ مەديتسينا سالاسىنا سىڭىرگەن ەڭبەگى دۇنيەجۇزىلىك دەڭگەيدە جوعارى باعالانادى - پرەزيدەنت

None
None
نۇر-سۇلتان. قازاقپارات - تورەگەلدى شارمانوۆتىڭ مەديتسينا سالاسىنا سىڭىرگەن ەڭبەگى دۇنيەجۇزىلىك دەڭگەيدە جوعارى باعالانادى.

بۇل تۋرالى بۇگىن ەلىمىزدىڭ ءبىرقاتار ازاماتىن مەملەكەتتىك ناگرادامەن ماراپاتتاۋ راسىمىندە ق ر پرەزيدەنتى قاسىم- جومارت توقايەۆ ايتتى، دەپ حابارلايدى قازاقپارات ءتىلشىسى.


«قازاق تاعامتانۋ اكادەمياسىنىڭ پرەزيدەنتى تورەگەلدى شارمانوۆ قازاقستاننىڭ ەڭبەك ەرى اتاعىنا يە بولدى. اكادەميك دارىگەر ۇلت ساۋلىعىن ساقتاۋعا، سالاۋاتتى ءومىر سالتىن دارىپتەۋگە ايرىقشا ۇلەس قوسىپ كەلە جاتىر. اسىرەسە، ىندەت كەزىندە جۇرتقا قاجەتتى ماعلۇمات بەرىپ، ەلدىڭ اماندىعىنا تىلەۋلەس بولدى. ابىز اقساقال رەتىندە ۇرپاققا شىنايى جاناشىرلىعىن تانىتتى. ونىڭ مەديتسينا سالاسىنا سىڭىرگەن ەڭبەگى ەلىمىزگە عانا ەمەس، دۇنيەجۇزىلىك دەڭگەيدە جوعارى باعالانادى»، - دەدى قاسىم-جومارت توقايەۆ.

اۆتور: مارلان جيەمباي

سوڭعى جاڭالىقتار