ەلىمىزدىڭ ءبىرقاتار ازاماتى مەملەكەتتىك ناگرادالارمەن ماراپاتتالدى
نۇر- سۇلتان. قازاقپارات - ناۋرىز مەرەكەسى قارساڭىندا قازاقستان رەسپۋبليكاسى پرەزيدەنتىنىڭ جارلىعىمەن ەلدىڭ الەۋمەتتىك- ەكونوميكالىق جانە مادەني دامۋىنا قوسقان ەلەۋلى ۇلەسى، بەلسەندى قوعامدىق قىزمەتى، ازاماتتاردى قورعاۋدا جانە قۇتقارۋدا كورسەتكەن جەكە جانقيارلىعى، قوعامدىق ءتارتىپتى قامتاماسىز ەتۋگە كورسەتكەن كومەگى ءۇشىن ەلىمىزدىڭ ءبىر توپ ازاماتتارى مەملەكەتتىك ناگرادالارمەن ماراپاتتالدى.
ولاردىڭ قاتارىندا ءوندىرىس، دەنساۋلىق ساقتاۋ سالالارىنىڭ قىزمەتكەرلەرى، بيزنەس وكىلدەرى، مادەنيەت جانە عىلىم قايراتكەرلەرى، سپورتشىلار، ۆولونتەرلەر بار، دەپ حابارلايدى قازاقپارات اقوردانىڭ رەسمي سايتىنا سىلتەمە جاساپ.
«قازاقستاننىڭ ەڭبەك ەرى» اتاعى قازاقستان رەسپۋبليكاسىنىڭ الەۋمەتتىك- گۋمانيتارلىق دامۋىنداعى اسا ۇزدىك جەتىستىكتەرى ءۇشىن جازۋشى يليا جاقانوۆقا، ەلىمىزدىڭ دەنساۋلىق ساقتاۋ سالاسىن دامىتۋداعى اسا ۇزدىك جەتىستىكتەرى ءۇشىن قازاق تاعامتانۋ اكادەمياسىنىڭ پرەزيدەنتى تورەگەلدى شارمانوۆقا بەرىلدى. «وتان» وردەنىمەن اقىن نۇرجان سۆەتقالي؛ I دارەجەلى «بارىس» وردەنىمەن ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پروفەسسورى جانداربەك مالىبەك ۇلى، اقىن نۇرلان ورازالين؛ Ⅲ دارەجەلى «بارىس» وردەنىمەن الماتى وبلىسى ارداگەرلەر كەڭەسىنىڭ ءتوراعاسى ەرمەك كەلەمسەيىت، الماتى قالاسى قازاقستان حالقى اسسامبلەياسى قوعامدىق كەلىسىم كەڭەسىنىڭ ءتوراعاسى احمەتجان شاردينوۆ، كۇرەس فەدەراتسياسىنىڭ پرەزيدەنتى داۋلەت تۇرلىحانوۆ، ءال- فارابي اتىنداعى قازاق ۇلتتىق ۋنيۆەرسيتەتىنىڭ رەكتورى جانسەيىت تۇيمەبايەۆ، ل. گۋميليەۆ اتىنداعى ەۋرازيا ۇلتتىق ۋنيۆەرسيتەتىنىڭ پرورەكتورى ديحان قامزابەك ۇلى، الماتى وبلىسى اكىمىنىڭ ءبىرىنشى ورىنباسارى ءلاززات تۇرلاشوۆ جانە باسقالار ناگرادتالدى.
«پاراسات» وردەنىمەن مادەنيەت، عىلىم جانە ءبىلىم قايراتكەرلەرى، بۇقارالىق اقپارات قۇرالدارىنىڭ وكىلدەرى ماراپاتتالدى. ولاردىڭ قاتارىندا ۇلتتىق عىلىم اكادەمياسىنىڭ مۇشەسى كارىمبەك كۇرماناليەۆ، م. قوزىبايەۆ اتىنداعى سولتۇستىك قازاقستان ۋنيۆەرسيتەتىنىڭ اعا وقىتۋشىسى پاۆەل افاناسيەۆ، پارلامەنت ءماجىلىسىنىڭ دەپۋتاتتارى بەرىك ءابدىعالي ۇلى، ەدىل جاڭبىرشين بار. سپورتتى دامىتۋ ديرەكتسياسى پاۋەرليفتينگ كومانداسىنىڭ جەتەكشىسى سەرگەي تسىرۋلنيكوۆ Ⅱ دارەجەلى «دوستىق» وردەنىمەن ماراپاتتالدى.
«قۇرمەت» وردەنىمەن ساياساتتانۋشى دانيار اشىمبايەۆ، قولدانبالى ەتنوساياسي زەرتتەۋلەر ينستيتۋتىنىڭ ديرەكتورى تالعات قاليەۆ، ادام قۇقىقتارى ءۇشىن حارتيانىڭ اتقارۋشى ديرەكتورى جەمىس تۇرماعامبەتوۆا، تاراز قالالىق كوپبەيىندى اۋرۋحاناسىنىڭ ءبولىم مەڭگەرۋشىسى ەرنار ەدىلبايەۆ، بەلسەندى ورىنباسار سەيىتوۆ، «مير ەۆرازي» قورىنىڭ پرەزيدەنتى ەدۋارد پولەتايەۆ، شىمكەنت قالاسى اۋعان سوعىسى ارداگەرلەرى وداعىنىڭ ءتوراعاسى عالىمجان مايحانوۆ، قوعام قايراتكەرى داۋرەن ءتالىپوۆ، جىرشى ارعىن بيسەنوۆ، ق. وسپانوۆ اتىنداعى №1 بالالار- جاسوسپىرىمدەر سپورت مەكتەبىنىڭ باسشىسى نۇرجان ەرماعامبەتوۆ، الماتى قالالىق №7 كلينيكالىق اۋرۋحاناسىنىڭ ءبولىم مەڭگەرۋشىسى ەسەناي ەسپەنبەتوۆ ناگرادتالدى.
«قۇرمەت» وردەنىنە جالپى 94 ادام يە بولدى. «ەرەن ەڭبەگى ءۇشىن» مەدالىمەن «ادىرنا» قورىنىڭ پرەزيدەنتى ارمان اۋباكىر، پاۆلودار وبلىسى اۋماقتىق كاسىپوداقتار بىرلەستىگىنىڭ باسپا ءسوز حاتشىسى كونستانتين مۋزاليەۆسكي، قازاق ۇلتتىق ونەر ۋنيۆەرسيتەتىنىڭ اعا وقىتۋشىسى ۇلاربەك نۇرعالىم ماراپاتتالدى. وسى مەدالمەن بارلىعى 25 ادام ناگرادتالدى.
«شاپاعات» مەدالىنە 68 ۆولونتەر، مەتسەنات جانە باسقا دا ازاماتتار يە بولدى. ولاردىڭ قاتارىندا جۋرناليست الەكساندرا مىسكينا، «ءۇمىت- نادەجدا» مۇگەدەكتەر ۇيىمىنىڭ ءتوراعاسى دۇيسەنعالي وسپانوۆ، «وكەان» پيك جۇمىسكەرى ارلان مۇتىشيەۆ، «Paybox.money» ج ش س دەپارتامەنت ديرەكتورى ماريا چەچينا، ر. بايسەيىتوۆ اتىنداعى سەمەي قارجى- ەكونوميكالىق كوللەدجىنىڭ ستۋدەنتى مەرەيبەك ماعابيلوۆ، «بوگاتىر- كومىر» ج ش س جول ماشينالارىن رەتتەۋشى ەۆگەني شاريفۋللين، ۆولونتەر ايگەرىم دوسقاليەۆا بار.
