قاسىم-جومارت توقايەۆ ەۋروپا قايتا قۇرۋ جانە دامۋ بانكىنىڭ پرەزيدەنتىمەن كەزدەسۋ وتكىزدى

None
None
نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ ەۋروپالىق قايتا قۇرۋ جانە دامۋ بانكىنىڭ پرەزيدەنتى وديل رەنو-باسسومەن بەينەبايلانىس رەجيمىندە كەزدەسۋ وتكىزدى، دەپ حابارلايدى اقوردا.

كەزدەسۋ بارىسىندا ترانزيتتىك تاسىمال، ەكونوميكانى دەكاربونيزاتسيالاۋ، قارجى سەكتورى سالالارىنداعى ءبىرقاتار ينۆەستيتسيالىق جوبانى قازاقستاندا جۇزەگە اسىرۋدىڭ پەرسپەكتيۆالارى تالقىلاندى.

قاسىم-جومارت توقايەۆ ەۋروپالىق قايتا قۇرۋ جانە دامۋ بانكىمەن اراداعى ءتيىمدى ءارى ۇزاق مەرزىمدى ىنتىماقتاستىقتىڭ وڭ قارقىنىنا كوڭىلى تولاتىنىن اتاپ ءوتتى.

- ءوزارا ىقپالداستىق اياسىندا زور ناتيجەلەرگە قول جەتكىزدىك. قازاقستان ۇكىمەتى مەن ەۋروپالىق قايتا قۇرۋ جانە دامۋ بانكى اراسىنداعى ءتيىمدى ىنتىماقتاستىق ودان ءارى نىعايا بەرەتىنىنە سەنىمدىمىن، - دەدى مەملەكەت باسشىسى.

وديل رەنو-باسسو قاسىم-جومارت توقايەۆتىڭ باسشىلىعىمەن جۇرگىزىلىپ جاتقان رەفورمالاردى، 16 - ناۋرىزداعى قازاقستان حالقىنا جولداۋدا ايتىلعان باستامالاردى قولدايتىنىن جەتكىزدى. ەۋروپالىق قايتا قۇرۋ جانە دامۋ بانكىنىڭ باسشىسى قازاقستاننىڭ كومىرتەگىنە بەيتاراپتىققا قول جەتكىزۋ جونىندە مالىمدەگەن ماقساتتارى اياسىنداعى ىنتىماقتاستىقتى دامىتۋعا دايىن ەكەنىن ناقتىلادى.

اڭگىمە سوڭىندا قاسىم-جومارت توقايەۆ وديل رەنو-باسسونى قازاقستانعا كەزەكتى رەت ساپارمەن كەلۋگە شاقىردى.

سوڭعى جاڭالىقتار