جاستارعا باعدار بەرۋدە زيالى قاۋىمنىڭ الەۋەتىن پايدالانعان ابزال - ماۋلەن اشىمبايەۆ

None
None
نۇر- سۇلتان. قازاقپارات - جاستارعا دۇرىس باعدار بەرۋدە زيالى قاۋىمنىڭ الەۋەتىن كوبىرەك پايدالانعان ابزال. بۇل تۋرالى بۇگىن ەلىمىزدىڭ قوعام وكىلدەرىمەن كەزدەسكەن سەنات ءتوراعاسى ماۋلەن اشىمبايەۆ ايتتى، دەپ حابارلايدى قازاقپارات ءتىلشىسى.

«جالپى، ەلىمىز ءۇشىن زيالى قاۋىم وكىلدەرىنىڭ ورنى قاشاندا ەرەكشە. ولار قاي كەزەڭدە دە حالىقتىڭ جانىنان تابىلا بىلگەن، ەلدىڭ مۇڭىن بيلىككە جەتكىزۋشى دانەكەر بولعان. زيالى قاۋىمنىڭ ۇلتىمىزدى قانشاما تار جول، تايعاق كەشۋلەردەن سۇرىندىرمەي الىپ شىققانى دا تاريحتان بەلگىلى. بۇل رەتتە، اسىرەسە، وتكەن عاسىردىڭ باسىنداعى الاش زيالىلارىنىڭ ورنى بولەك»، - دەدى سەنات ءتوراعاسى.

ونىڭ اتاپ وتۋىنشە، ەلدىك مۇرات، ۇلتتىق مۇددە جولىنداعى ىستەردە زيالى قاۋىم ءاردايىم الدىڭعى شەپتەن تابىلا ءبىلدى.

«قازىر ەلىمىز ءۇشىن وتە ماڭىزدى كەزەڭ. تاۋەلسىزدىك تاريحىنداعى ەڭ قيىن سىناقتى ەڭسەرىپ كەلەمىز. وسىنداي ۋاقىتتا زيالىلاردىڭ پىكىرلەرى جانە قوعامدىق پوزيتسياسى وتە ماڭىزدى. ەلدىڭ دۇرىس جولمەن دامۋىنا، اسىرەسە، جاستارعا دۇرىس باعدار بەرۋدە زيالى قاۋىمنىڭ الەۋەتىن كوبىرەك پايدالانعان ابزال دەپ بىلەمىز. وسىنداي جۇمىستارعا «ۇلتىق مۇددە» جوباسى دا ءوز ۇلەسىن قوسادى دەپ ۇمىتتەنەمىز»، - دەدى ماۋلەن اشىمبايەۆ.

اۆتور: مارلان جيەمباي

سوڭعى جاڭالىقتار