قاسىم-جومارت توقايەۆ پەن شاۆكات ميرزيەيەۆ ءبىر-ءبىرىن ناۋرىز مەرەكەسىمەن قۇتتىقتادى

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ وزبەكستان پرەزيدەنتى شاۆكات ميرزيەيەۆپەن تەلەفون ارقىلى سويلەستى، دەپ حابارلايدى اقوردا.

ەكى ەل باسشىلارى ساۋدا-ەكونوميكالىق جانە مادەني-گۋمانيتارلىق ىنتىماقتاستىقتى نىعايتۋعا جانە وڭىرلىك كووپەراتسيانى كەڭەيتۋگە ءمان بەرە وتىرىپ، قازاقستان مەن وزبەكستان اراسىنداعى ستراتەگيالىق سەرىكتەستىكتى دامىتۋدىڭ پەرسپەكتيۆالارىن تالقىلادى.

اڭگىمەلەسۋ بارىسىندا شاۆكات ميرزيەيەۆتىڭ قازاقستانعا جاساعان مەملەكەتتىك ساپارى اياسىندا قول جەتكىزىلگەن ۋاعدالاستىقتاردى ءتيىمدى ىسكە اسىرۋعا، سونداي-اق سىرتقى ەكونوميكالىق احۋالدىڭ كەرى اسەرىن ازايتۋعا باعىتتالعان كۇش-جىگەردى تىعىز ۇيلەستىرۋگە باسا ءمان بەرىلدى.

اڭگىمە سوڭىندا پرەزيدەنتتەر ءبىر-ءبىرىن ناۋرىز مەرەكەسىمەن قۇتتىقتادى.