كۇشتى پرەزيدەنت، ىقپالدى پارلامەنت، ەسەپ بەرەتىن ۇكىمەت قاعيداتىن باسشىلىققا الامىز - توقايەۆ

نۇر-سۇلتان. قازاقپارات - مەملەكەت باسشىسى قاسىم-جومارت توقايەۆ ءوز جولداۋىندا پرەزيدەنت، پارلامەنت جانە ۇكىمەتتىڭ قوعام الدىنداعى ءرولى مەن مىندەتىنە قاتىستى جاڭا قاعيداتتىڭ باسشىلىققا الىناتىنىن جەتكىزدى، دەپ حابارلايدى قازاقپارات ءتىلشىسى.

«الدىمىزدا پارلامەنتتىڭ ءرولىن كۇشەيتۋ مىندەتى تۇر. بۇل حالىق ۇنىنەن قۇلاق اساتىن مەملەكەت تۇجىرىمداماسىن تابىستى جۇزەگە اسىرۋعا جول اشادى. ءبىز بولاشاقتا قانداي ەل بولاتىنىمىزدى ناقتى بىلەمىز. جاڭا قازاقستاندى ازاماتتىق قوعامى قالىپتاسقان، ءتيىمدى مەملەكەتكە اينالدىرامىز. وسىعان وراي كۇشتى پرەزيدەنت، ىقپالدى پارلامەنت، ەسەپ بەرەتىن ۇكىمەت قاعيداتىن باسشىلىققا الامىز. بۇگىن مەن وسى ستراتەگيالىق ماقساتىمىزعا جەتۋگە مۇمكىندىك بەرەتىن ءبىرقاتار باستامالاردى ۇسىنامىن»، - دەدى پرەزيدەنت. سونداي-اق، مەملەكەت باسشىسى پرەزيدەنتتىڭ پارتياعا مۇشەلىگىن توقتاتۋ كەرەكتىگىن العا تارتتى.