پرەزيدەنت داۋرەن ابايەۆقا پاريج وليمپياداسىنا دايىندىقتى كۇشەيتۋدى تاپسىردى

نۇر- سۇلتان. قازاقپارات - كەزدەسۋ بارىسىندا پرەزيدەنتكە مادەنيەت، سپورت، تۋريزم ارحيۆ جانە باسپا ءىسى سالالارىنىڭ قازىرگى جاعدايى جونىندە مالىمەت بەرىلدى، دەپ حابارلايدى قازاقپارات اقورداعا سىلتەمە جاساپ.

مەملەكەت باسشىسىنا مينيسترلىككە قاراستى ۇيىمدارعا جۇمىس ساپارى تۋرالى باياندالدى. ساپار قورىتىندىسى بويىنشا كۇن تارتىبىندە تۇرعان ماسەلەلەردى شەشۋ شارالارى ازىرلەنگەن. داۋرەن ابايەۆ قاسىم- جومارت توقايەۆتىڭ سپورت سەكسيالارى مەن شىعارماشىلىق ۇيىرمەلەردى جان باسىنا قاراي قارجىلاندىرۋ، بۇقارالىق سپورتتى قارقىندى دامىتۋ جونىندە بەرگەن تاپسىرمالارىن ورىنداۋ ۆەدومستۆو جۇمىسىنداعى نەگىزگى باعىتتىڭ ءبىرى ەكەنىن اتاپ ءوتتى.

پرەزيدەنتتىڭ ايتۋىنشا، بيىل مينيسترلىك جەرگىلىكتى اتقارۋشى ورگاندارمەن بىرلەسە وتىرىپ، قازاقستان رەسپۋبليكاسى مەملەكەتتىك رامىزدەرىنىڭ 30 جىلدىعىن ءتيىستى دەڭگەيدە اتاپ ءوتۋى قاجەت.

مەملەكەت باسشىسى ۇلتتىق سپورت رەزەرۆىنىڭ ءىرى حالىقارالىق جارىستارعا، سونىڭ ىشىندە 2024 -جىلى پاريجدە وتەتىن وليمپيادا ويىندارىنا دايىندىعىن كۇشەيتۋدى تاپسىردى. سونىمەن قاتار قاسىم- جومارت توقايەۆ جاستار ءۇشىن ۇلتتىق مادەنيەتتىڭ باسەكەگە قابىلەتتىلىگى مەن تارتىمدىلىعىن ارتتىرۋ قاجەت ەكەنىن ايتتى. پرەزيدەنت كارانتيندىك شەكتەۋلەردىڭ ەلىمىزدە جانە شەت مەملەكەتتەردە جەڭىلدەتىلۋىنە بايلانىستى تۋريزم سالاسىن دامىتۋدىڭ تىڭ جولدارىن ازىرلەۋ ماڭىزدى دەپ ەسەپتەيدى.