الەۋمەتتىك ماڭىزى بار ازىق- تۇلىك ساتۋشىلارعا ساۋدا الاڭىن جالداۋ اقىسى تومەندەتىلەدى
«جوسپاردىڭ ەكىنشى بولىگى بويىنشا حالىقتىڭ ازىق- تۇلىك تاۋارلارىن تۇتىنۋ شىعىستارىنىڭ ۇلەسىن تومەندەتۋ جانە باعالاردى تۇراقتاندىرۋ بويىنشا 5 جەدەل جانە 1 ورتا مەرزىمدى ءىس- شارالاردى ىسكە اسىرۋعا باعىتتالعان»، - دەدى ق ر اۋىل شارۋاشىلىعى ءمينيسترى ەربول قاراشوكەيەۆ ۇكىمەت وتىرىسىندا.
سونداي- اق، ول سالادا جاڭادان 25 مىڭ شارۋاشىلىق قۇرۋ جوسپاردا بار ەكەنىن ءمالىم ەتتى.
«بۇل ازىق- تۇلىك تاۋارلارىنىڭ باعالارىن بولجاۋ، الەۋمەتتىك ماڭىزى بار ازىق- تۇلىك تاۋارلارىن ساتۋشىلارى ءۇشىن ساۋدا نارىقتارىنىڭ جالداۋ اقىسىن تومەندەتۋ، باعالاردى اكىمشىلىك رەتتەۋدەن حالىقتىڭ الەۋمەتتىك وسال توپتارىن اتاۋلى قولداۋعا كوشۋ بويىنشا شارالار ازىرلەۋ، تۇراقتاندىرۋ قورلارى قىزمەتىنىڭ تيىمدىلىگىنە باعالاۋ جۇرگىزۋ، اۋىلدىق جەرلەردە جۇمىسپەن قامتۋدى ۇلعايتۋدىڭ جاڭا نىساندارى ارقىلى كەمىندە 25 مىڭ شارۋاشىلىق قۇرۋ جولىمەن اۋىل شارۋاشىلىعى جەرلەرىنىڭ اينالىمى، سونداي- اق جاڭا سۋارمالى جەرلەردى يگەرۋ سياقتى ءىس- شارالاردى قامتيدى»، - دەدى مينيستر.
ال ءۇشىنشى ءبولىم تۇتىنۋشىلاردى قاۋىپسىز ونىممەن قامتاماسىز ەتۋ بويىنشا 4 جەدەل جانە 3 ورتا مەرزىمدى ءىس- شارالاردى ىسكە اسىرۋدى كوزدەيدى.
«زەرتتەلىپ وتىرعان يمپورتتىق ءونىمنىڭ ۇلەسىن %80 عا دەيىن ارتتىرۋ ءۇشىن تاماق ونىمدەرىنىڭ ساپاسى مەن قاۋىپسىزدىگىن باقىلاۋدى قامتاماسىز ەتۋ، 2024 -جىلى وتاندىق ۆەتەريناريالىق جانە بيوپرەپاراتتاردىڭ ۇلەسىن %80 عا دەيىن ۇلعايتۋ ءۇشىن قولدا بار ۆەتەريناريالىق جانە بيوپرەپاراتتار وندىرەتىن وتاندىق كاسىپورىنداردى جاڭعىرتۋ جانە جاڭالارىن قۇرۋ شارالارى بار»، - دەدى ەربول قاراشوكەيەۆ.
