ۇلتتىق بانك قولما-قول شەتەل ۆاليۋتاسىن سىرتقا شىعارۋدى شەكتەۋ تۋرالى مالىمدەمە جاسادى
بۇگىنگى تاڭدا سىرتقى كۇيزەلىستەردىڭ سالدارىنان قولما-قول شەتەل ۆاليۋتاسىنا سۇرانىس ارتقانى بايقالادى.
ق ر ەكىنشى دەڭگەيلى بانكتەردە شوتتارداعى، دەپوزيتتەردەگى جانە باعالى قاعازدارداعى قالدىق تۇرىندەگى ءوتىمدى ۆاليۋتالىق اكتيۆتەردىڭ جەتكىلىكتى كولەمى بار. سوعان قاراماستان، قولما- قول شەتەل ۆاليۋتاسىنا دەگەن سۇرانىستى قاناعاتتاندىرۋدا - قولما-قول شەتەل ۆاليۋتاسىن باسقا ەلدەردەن قازاقستانعا جەتكىزۋ ىسىندە لوگيستيكالىق قيىندىقتار تۋىنداپ وتىر.
قارجىلىق تۇراقتىلىققا تونەتىن قاتەرلەر مەن الىپساتارلىققا قاتىستى سۇرانىستىڭ قىسىمىن تومەندەتۋ ءۇشىن قازاقستان رەسپۋبليكاسى پرەزيدەنتىنىڭ جارلىعىمەن قازاقستان رەسپۋبليكاسى ۇكىمەتى مەن قازاقستان رەسپۋبليكاسى ۇلتتىق بانكىنىڭ ۇسىنىسى نەگىزىندە قازاقستاننان الىپ شىعۋعا شەكتەۋلەر ەنگىزىلدى:
1) 10000 (ون مىڭ) ا ق ش دوللارى ەكۆيۆالەنتىنەن اساتىن جانە قازاقستان رەسپۋبليكاسى ۇلتتىق بانكىنىڭ اكەتۋ كۇنىنە بەلگىلەنگەن باعامى بويىنشا ەسەپتەلگەن سوماداعى قولما-قول شەتەل ۆاليۋتاسىنا جانە (نەمەسە) شەتەل ۆاليۋتاسىنداعى اقشا قۇرالدارىنا؛
2) تازارتىلعان التىننىڭ 5، 10، 20، 50 جانە 100 گرام التىن قۇيمالارى جانە قازاقستان رەسپۋبليكاسىنىڭ ۇلتتىق بانكى شىعارعان التىننان، كۇمىستەن جاسالعان ينۆەستيتسيالىق مونەتالارىنا، سونداي-اق سالماعى 100 گرامنان اساتىن تازارتىلعان التىنعا. قابىلدانعان بۇل شارالار قولما-قول شەتەل ۆاليۋتالارىنىڭ شەكتەن تىس سىرتقا شىعىپ كەتپەۋىن باقىلاۋدى، ۇلتتىق بانكتەگى رەزەرۆتەردىڭ ساقتالۋىن، سونداي-اق جيناق قۇرالدارىن ءارتاراپتاندىرۋدى قامتاماسىز ەتەدى.
ەسكە سالا كەتەيىك، ءبىز بۇعان دەيىن مەملەكەت باسشىسى قازاقستان رەسپۋبليكاسىنىڭ قارجىلىق تۇراقتىلىعىن قامتاماسىز ەتۋ شارالارى تۋرالى قاۋلىعا قول قويعانىن حابارلاعان ەدىك.
