قازاق تەلەكوم كەڭسەلەرىندە ءتىنتۋ ءجۇرىپ جاتىر – اگەنتتىك
بۇل تۋرالى سىبايلاس جەمقورلىققا قارسى ءىس- قيمىل اگەنتتىگىنىڭ ءتوراعاسى ولجاس بەكتەنوۆ ايتتى، دەپ حابارلايدى قازاقپارات ءتىلشىسى.
بۇگىن ءماجىلىستىڭ جالپى وتىرىسىنان كەيىن تىلشىلەر اگەنتتىك باسشىسىنان «قازاق تەلەكومداعى» ءتىنتۋ ءىس- شارالارى تۋرالى سۇراق قويدى. «ارينە، تەرگەۋ امالدارى ءجۇرىپ جاتىر. وسى ورايدا ءتىنتۋ ءىس- شارالارىن جۇرگىزۋ كەرەك، ونىڭ ىشىندە «قازاق تەلەكوم» ا ق- نىڭ الماتى مەن ەلورداداعى كەڭسەلەرى بار. بەلسەندى تەرگەۋ ءىس- قيمىلدارىن كەشە عانا باستادىق. جاڭا مالىمەتتەر بولسا، ءبىز ونى جاريالايمىز»، - دەدى ولجاس بەكتەنوۆ.
بۇدان بۇرىن حابارلانعانداي، سىبايلاس جەمقورلىققا قارسى قىزمەت لاۋازىمدىق وكىلەتتىكتەرىن اسىرا پايدالانۋ جانە «قازاق تەلەكوم» ا ق- نىڭ قاراجاتىن اسا ءىرى كولەمدە ۇرلاۋ فاكتىلەرى بويىنشا قىلمىستىق ءىستى تەرگەۋدە. اتالعان قىلمىستاردى جاسادى دەگەن كۇدىكپەن قايرات ساتىبالدى ۇلى ۇستالىپ، ۋاقىتشا ۇستاۋ يزولياتورىنا قامالدى.
اۆتور: رۋسلان عابباسوۆ
