11:14, 13 - ناۋرىز 2022 | GMT +5
ەلدە قانت تاپشىلىعى جوق - ساۋدا مينيسترلىگى
نۇر-سۇلتان. قازاقپارات - ەلدە قانت تاپشىلىعى جوق. بۇل تۋرالى قازاقپارات ق ر ساۋدا جانە ينتەگراتسيا مينيسترلىگىنە سىلتەمە جاساپ حابارلايدى.
«ساۋدا جەلىلەرى مەن تۇراقتاندىرۋ قورلارىندا بۇل الەۋمەتتىك ماڭىزى بار ازىق-تۇلىك تاۋارىنىڭ قورى كەمى ءۇش ايعا جەتكىلىكتى. سونىمەن قاتار قانت ءوندىرىسى جالعاسىپ جاتىر، توقتامايدى! قور تولتىرىلىپ وتىرادى. ياعني «ءۇش ايدان كەيىن قور تاۋسىلادى، قانت تاپشىلىعى بولادى» - دەگەن اقپارات شىندىققا جاناسپايدى. ەلدەگى قانت وندىرىسىنەن بولەك، وزگە ەلدەردەن يمپورتتاۋ مۇمكىندىگى بار. سوندىقتان اجيوتاجعا ەرىك بەرمەۋگە شاقىرامىز»، - دەدى ق ر ساۋدا جانە ينتەگراتسيا مينيسترلىگىنىڭ رەسمي وكىلى الىشەر ءومىرزاق.
ەسكە سالساق، بۇعان دەيىن دە قازاقستانداعى قانتتىڭ قورى 3 ايعا جەتەتىندىگى حابارلاندى.
الايدا بىرنەشە وڭىردە قانت ساۋداسىنا بايلانىستى اجيوتاج بايقالدى.
