ۋكرايناداعى جاعداي ەلدەگى ءدارى-دارمەك تاپشىلىعىن تۋعىزباي ما - مينيستر جاۋابى
«بىزگە ۋكراينا، بەلارۋس، رەسەي فەدەراتسياسىنان دارىلەردىڭ باسىم بولىگى كەلەدى دەپ ايتا المايمىن. جالپى دارىلەردىڭ 70 پايىزىن شەتەلدەن الامىز. مىسالى، رەسەيدەن 2 پايىز، ۋكراينادان 2 پايىز، بەلارۋستەن 0,03 پايىز ءدارى-دارمەك كەلەدى ەكەن. بۇگىگى تاڭدا «س ق- فارماتسيا» وسى جىلعا كەرەك ءدارى-دارمەكتىڭ 93 پايىزىن الىپ قويعان. ولاردىڭ 50 پايىزىنان ارتىعى قويمالارىمىزدا، مەدينيالىق ۇيىمدارعا ءتۇسىپ جاتىر. ساياساتقا بايلانىستى، بولىپ جاتقان جاعدايلارعا بايلانىستى، دوللاردىڭ وسۋىنە بايلانىستى مينيسترلىك تاراپىنان ۇكىمەتپەن بىرلەسىپ جاعدايلاردى قارايمىز. بىلتىر قول قويىلعان كەلىسىمشارت بويىنشا ءدارى-دارمەكتەر تۇسۋدە. سول رەسەيدەن دە، بەلارۋس ەلىنەن دە قازىر 60 پايىزى كەلگەن. قالعان 40 پايىزى ءارى قاراي قالاي بولاتىنى تۋرالى كەلىسسوزدەر ءجۇرىپ جاتىر. ۋكراينادان ەكى-اق پايىز ءدارى-دارمەك الاتىنىمىزدى ايتىپ كەتتىم. تەگىن بەرىلەتىن امبۋلاتوريالىق دارىلەردىڭ ىشىندە 11 ءتۇرىن، ستاتسيونارلارعا قاجەت ءدارىنىڭ 8 ءتۇرىن الاتىنبىز. سول ءدارى-دارمەكتەردى ۋكراينا جاعىنان قالاي جەتكىزىلەتىنى تۋرالى كەلىسسوزدەر ءجۇرىپ جاتىر»، - دەدى مينيستر.
ونىڭ ايتۋىنشا، بۇل ماسەلەنىڭ ءبارى ۆەدومستۆونىڭ باقىلاۋىندا.
«سوڭعى جىلدارى ەلىمىزدە ءدارى-دارمەك بويىنشا نەمەسە اۋرۋحانالاردا، ەمحانالاردا ەشقانداي پروبلەمالار بولعان جوق.
«س ق- فارماتسيانىڭ قويماسىنداعى ءدارى-دارمەكتەردەن باسقا بارلىق وڭىرلەردىڭ اكىمدىكتەرى تۇراقتاندىرۋ قورىن قۇردى. كەيبىر وڭىرلەر قازىر 1 ميلليارد تەڭگەدەن استام اقشانىڭ ءدارى- دارمەگىن ۇستاپ وتىر. كەشەگى ۆەدومستۆوارالىق كوميسسيانىڭ وتىرىسىندا سول جيناپ وتىرعان ءدارى-دارمەكتەردى جاڭارتىپ، تولىقتىرىپ، قازىرگى جاعدايعا بايلانىستى ءارى قاراي دامىتا بەرۋ تۋرالى شەشىم قابىلداندى. مينيسترلىك قازىر ءتىزىم ازىرلەپ جاتىر. سول ءتىزىم بويىنشا ەلىمىزدەن ءدارى-دارمەكتى سىرتقا شىعارۋعا بولمايدى دەگەن بۇيرىق ازىرلەپ جاتىرمىز. مۇنىڭ ءبارى حالىقتى ءدارى-دارمەكپەن قامتاماسىز ەتۋ جولىندا جاسالىپ جاتقان شارالار»، - دەدى اجار عينيات.
