15:30, 12 - ناۋرىز 2022 | GMT +5
«سەنبىلىك سۋرەت»: ق ر پرەزيدەنتىنىڭ ستۋدەنت كەزىندەگى فوتوسى جاريالاندى
نۇر-سۇلتان. قازاقپارات - ق ر پرەزيدەنتى باسپا ءسوز قىزمەتىنىڭ Telegram-كانالىندا قاسىم-جومارت توقايەۆتىڭ ستۋدەنت كەزىندەگى فوتوسى جاريالاندى، دەپ حابارلايدى قازاقپارات.
«پرەزيدەنت جالپى گازەت-جۋرنالدى جاس كەزىنەن كوپ وقيدى. مىنا فوتو قاسىم-جومارت كەمەل ۇلىنىڭ ستۋدەنتتىك شاعىنان. ماسكەۋ قالاسى، م م ح ق ي جاتاقحاناسى، 1975-جىل»، - دەپ جازىلعان تاراتىلعان حابارلامادا.
«مەرزىمدى باسپا ءسوزدى ۇزبەي قارايمىن. بۇل - مەنىڭ بۇرىننان قالىپتاسقان داعدىم… جالپى، مەن كوپ وقيتىن اداممىن. جاقسى ماقالا نەمەسە سۇحبات كورسەم، استىن سىزىپ وقۋعا تىرىسامىن. وزەكتى ماسەلە بايقاسام، وعان قاتىستى ناقتى تاپسىرما بەرەمىن»، - دەگەن ەدى مەملەكەت باسشىسى 2022-جىلدىڭ 17- اقپانىندا «QAZAQSTAN» ۇلتتىق تەلەارناسىنا بەرگەن سۇحباتىندا.
ەسكە سالايىق، كەشە اقوردانىڭ باسپا ءسوز قىزمەتى پرەزيدەنت قاسىم-جومارت توقايەۆ تۇراقتى تۇردە وقيتىن باسىلىمدارعا ۆيدەوشولۋ ۇسىنعان بولاتىن.
