قازاقستان مۇناي ەكسپورتتاۋدىڭ ءتۇرلى باعدارىن قاراستىرىپ جاتىر - اقشولاقوۆ

«كەزىندە ەكسپورتتىڭ، ونىڭ ىشىندە قىتاي مەن ەۋروپا باعىتىندا دا تارماقتالعان جۇيەسى بولعان ەدى. ازىرشە سانكسيا جوق. سوندىقتان قانداي دا ءبىر كولەمدى باسقا جاققا جونەلتۋ ماسەلەسىن قاراستىرىپ وتىرعان جوقپىز. ءبىز ۋاعدالاسقانىمىزداي شتاتتىق رەجيمدە، كاسپي قۇبىر كونسورتسيۋمى ارقىلى، سامارا ارقىلى جۇمىس ىستەي بەرەمىز. ءبىزدىڭ ءتۇرلى مۇمكىندىگىمىز، اقتاۋ پورتىمىز، بالتىق قۇبىر جۇيەسى بار. ءبىراق، ازىرشە ولاردى قاراستىرىپ وتىرعان جوقپىز»، - دەدى مينيستر ۇكىمەت وتىرىسىنان كەيىن تىلشىلەرگە بەرگەن سۇحباتىندا.
سونىمەن قاتار ول مۇناي ءوندىرۋ كولەمىن تومەندەتۋ دە كۇتىلمەيتىندىگىن باسا ايتتى.
«وندىرۋگە ەڭ الدىمەن، ساتۋ مۇمكىندىگى اسەر ەتەدى. ەگەر ساتۋ مۇمكىندىگى بولسا، وندا ەش قيىندىق جوق ەكەنى تۇسىنىكتى. ءبىز 87,5 ميلليون توننا مولشەرىندە بەكىتىلگەن جوسپارىمىزدى قولدانىستاعى ينفراقۇرىلىمنىڭ كۇشىمەن وندىرە الامىز»، - دەدى بولات اقشولاقوۆ.
اۆتور: مارلان جيەمباي