ۇكىمەت: «نۇر جولى» وتكىزۋ بەكەتىندە قىتايدان قازاقستانعا جەتكىزىلەتىن جۇكتى تيەۋ ماسەلەسى شەشىلدى
بۇل تۋرالى قازاقپارات ۇكىمەتتىڭ رەسمي سايتىنا سىلتەمە جاساپ حابارلايدى.
كەدەندىك-لوگيستيكالىق ينفراقۇرىلىمدى دامىتۋ بويىنشا قابىلدانىپ جاتقان شارالار تۋرالى ق ر قارجى ءبىرىنشى ۆيتسە-ءمينيسترى م. سۇلتانعازيەۆ باياندادى.
قارجى مينيسترلىگىنىڭ مەملەكەتتىك كىرىستەر كوميتەتىنىڭ اقپاراتىنا سايكەس، بۇگىنگى تاڭدا ق ح ر- مەن شەكاراداعى «التىنكول» جانە «دوستىق - تەمىرجول» تەمىرجول وتكىزۋ پۋنكتتەرى شتاتتىق رەجيمدە جۇمىس ىستەپ تۇر.
«قازىرگى تاڭدا 5 اۆتوجول وتكىزۋ پۋنكتىنىڭ 4 ءۋى اشىق جانە جۇكتەردى قابىلداپ جاتىر. «قالجات» وتكىزۋ پۋنكتى بۇگىندە ەپيدەميولوگيالىق احۋالعا بايلانىستى ق ح ر جاعىنان جابىق تۇر. تاراپتار قالجات-دۋلاتى قىزمەتىن قايتا باستايتىن ناقتى كۇندەردى كەلىسىپ جاتىر»، - دەدى ق ر قارجى ءبىرىنشى ۆيتسە-ءمينيسترى.
ۇكىمەت ق ح ر- دان ق ر- عا «نۇر جولى» وتكىزۋ پۋنكتىندە جۇكتەردى اۋىستىرىپ تيەۋ ماسەلەسىن شەشتى، ال ەلەكتروندىق كەزەك رەتكە كەلتىرىلىپ جاتىر. بۇل ورايدا جۇك تاسۋ قىزمەتىنىڭ اقىسى 2 ەسە تومەندەيدى.
كەڭەس بارىسىندا ق ر پرەمەر-ءمينيسترى قازىرگى جاعدايعا بايلانىستى تۋىنداپ جاتقان جانە بولۋى ىقتيمال سىن-تەگەۋرىندەرگە جەدەل دەن قويۋ قاجەتتىگىن اتاپ ءوتتى. داعدارىسقا قارسى شارالار جونىندەگى جەدەل شتابتىڭ كەلەسى وتىرىسى 9- ناۋرىزدا وتەدى.
