پرەزيدەنت قۇقىق قورعاۋ جانە ارنايى ورگانداردىڭ باسشىلارىمەن كەڭەس وتكىزدى
قازاقپارات بۇل تۋرالى اقورداعا سىلتەمە جاساپ حابارلايدى.
جيىنعا قۇقىق قورعاۋ جانە ارنايى ورگانداردىڭ باسشىلارى قاتىستى.
كەڭەس بارىسىندا ۇلتتىق قاۋىپسىزدىكتى قامتاماسىز ەتۋ، ەلىمىزدەگى قۇقىقتىق ءتارتىپتى كۇشەيتۋ، سونداي-اق ۇيىمداسقان قىلمىسپەن كۇرەستىڭ وزەكتى ماسەلەلەرى تالقىلاندى.
قاسىم-جومارت توقايەۆ شۇعىل ارەكەت ەتۋ جانە ۆەدومستۆوارالىق ۇيلەستىرۋ مىندەتتەرىنە ەرەكشە نازار اۋداردى.
قۇقىق قورعاۋ ورگاندارى مەن ارناۋلى قىزمەتتەردىڭ ءوزارا ءتيىمدى ءىس-قيمىلى قاۋىپسىزدىككە تونەتىن قاتەردى دەر كەزىندە انىقتاپ، الدىن الۋعا مۇمكىندىك بەرەدى.
پرەزيدەنت قازىرگى جاعدايدا ازاماتتاردىڭ قاۋىپسىزدىگىن تولىق قامتاماسىز ەتۋ جانە قوعام مەن مەملەكەتتىڭ مۇددەسىن قورعاۋ اسا ماڭىزدى ەكەنىن اتاپ ءوتتى.
جيىن قورىتىندىسى بويىنشا ۇلتتىق قاۋىپسىزدىكتى قامتاماسىز ەتۋ جۇيەسىن نىعايتۋعا، قوعامدىق ءتارتىپتى قورعاۋعا جانە قىلمىسپەن كۇرەسكە باعىتتالعان قوسىمشا شارالار قابىلداۋ جونىندە ناقتى تاپسىرمالار بەردى.
