گرۋزيا مەن ازەربايجاننان كولىك اكەلىپ جاتقان قازاقستاندىقتارعا ەسكەرتۋ جاسالدى
مۇنداي كولىك قۇرالدارى ءبىر جىلعا ۋاقىتشا الىپ كەلگەن جاعدايدا كەدەندىك باجدار مەن سالىقتاردى تولەۋدەن بوساتىلعان. بۇل تۋرالى ق ر ق م مەملەكەتتىك كىرىستەر كوميتەتىندە حابارلادى.
ۋاقىتشا اكەلىنگەن كولىك قۇرالدارىن ساتىپ الۋعا جانە قازاقستان اۋماعىندا پايدالانۋعا تەك كەدەندىك تازارتۋدان سوڭ جانە تيەسىلى كەدەندىك الىمداردى جانە سالىقتاردى تولەگەن سوڭ عانا رۇقسات بەرىلەدى. جەكە پايدالانۋعا ارنالعان شەتەلدىك كولىك قۇرالدارىن، شەت ەل ازاماتتارى ءوز كولىك قۇرالدارىن اكەلگەننەن سوڭ قازاقستاننىڭ اۋماعىنان ءبىراز ۋاقىتان كەيىن كەتىپ قالاتىنى بايقالۋدا (بۇلار نەگىزىنەن گرۋزيا مەن ازەربايجان ازاماتتارى).
وسى ارەكەتتەر نەگىزىندە ويعا كەلەتىنى بۇل كولىك قۇرالدارى قانداي دا ءبىر كەدەندىك باجدار مەن سالىقتاردى تولەۋسىز قازاقستان رەسپۋبليكاسىنىڭ اۋماعىندا تىركەۋگە قويىلىپ جانە قازاقستان ازاماتىنا تاپسىرۋ ماقساتىندا ە ا ە و اۋماعىنا اكەلىنەدى. جالپى 2020 -جىلدان باستاپ قازىرگى ۋاقىتقا دەيىن ق ر اۋماعىنا گرۋزيا مەن ءازىربايجاننان 4157 اۆتوكولىك قۇرالىن الىپ كەلگەن، ونىڭ ىشىندە 2130 اۆتوكولىك بويىنشا ق ر اۋماعىندا ۋاقىتشا ءجۇرۋدىڭ مەرزىمى ءوتىپ كەتكەن. ماڭعىستاۋ جانە تۇركىستان وبلىستارى بويىنشا مەملەكەتتىك كىرىستەر دەپارتامەنتتەرىمەن تيەسىلى كەدەندىك الىمداردى جانە سالىقتاردى تولەمەستەن ق ر اۋماعىندا تىركەلگەن اۆتوكولىك قۇرالدارىنا بايلانىستى جەكە تۇلعالارعا 230 حابارلاما تابىستالدى.
اتالعان اۋماقتىق مەملەكەتتىك كىرىستەر دەپارتامەنتتەرىمەن 2021 -جىلدىڭ 30 قىركۇيەگىنەن كەيىن شىعارىلعان 300 اۆتوكولىك يەلەرىنە 6,6 ميلليون تەڭگە مولشەرىندە اكىمشىلىك ايىپپۇلدار سالىنىپ، وندىرىلگەن. ەسكەرەتىن ءجايت، ەۋرازيالىق ەكونوميكالىق وداقتىڭ (ە ا ە و) كەدەن اۋماعىنا ءۇشىنشى ەلدەردەن ۋاقىتشا اكەلىنگەن كولىك قۇرالدارى ءوز مارتەبەسى بويىنشا شەتەلدىك تاۋارلار بولىپ تابىلادى (ياعني ەاەو تاۋارلارى بولىپ تابىلمايدى) جانە كەدەندىك باقىلاۋدا بولادى جەكە پايدالانۋعا ارنالعان كولىك قۇرالدارىن وداققا مۇشە بولىپ تابىلمايتىن مەملەكەتتە تىركەلگەن شەتەلدىك جەكە تۇلعالاردىڭ وداقتىڭ كەدەندىك اۋماعىنا ۋاقىتشا 1 جىلدان اسپايتىن مەرزىمگە اكەلۋىنە رۇقسات ەتىلەدى.
بۇل رەتتە، ۋاقىتشا اكەلىنگەن كولىك قۇرالدى دەكلارانتتىڭ ءوزى عانا باسقارۋعا قۇقىلى جانە ونى بىرەۋگە تاپسىرۋعا نەمەسە سەنىمحات ارقىلى ساتۋعا تىيىم سالىنادى. ۋاقىتشا اكەلۋ مەرزىمى اياقتالعاننان كەيىن اۆتوكولىك قۇرالدارى ەاەو اۋماعىنان شىعىپ كەتۋى قاجەت، الايدا شىعىپ كەتپەگەن جاعدايدا ەاەو قولدانىستاعى زاڭناماسىنا سايكەس ءتيىستى شارالار قولدانىلاتىن بولادى. شەتەلدىك كولىك قۇرالدارىنىڭ شىعارىلۋى ەۋرازيالىق ەكونوميكالىق وداقتىڭ اۋماعىنان تىس جۇزەگە اسىرىلۋى قاجەت شەتەلدىك كولىك قۇرالداردى شىعارۋ تۋرالى مىندەتتەمە ەاەو ەلدەرىنىڭ اۋماعىنىڭ بارلىعىنا قولدانىلادى.
شەتەلدىك ازاماتتار كولىك قۇرالدارىن شىعارۋعا ءوزىنىڭ مۇمكىندىگى بولماعان جاعدايدا تاسىمالداۋشىنىڭ كومەگىمەن شىعارۋىنا بولادى، سونىمەن قاتار شەتەلدىك ازاماتتار كولىك قۇرالدارىن شىعارۋعا جانە تۇراتىن مەملەكەتىنە قايتۋ ءۇشىن مەملەكەتتىك شەكارادان وتۋىنە بولادى. وسىعان دەيىن، كورونوۆيرۋستىق ينفەكسيانىڭ (COVID-2019) الدىن الۋعا جانە تارالۋىنا جول بەرمەۋگە باعىتتالعان شارالاردى قابىلداۋعا بايلانىستى قالىپتاسقان جاعدايدا ۋاقىتشا اكەلۋ مەرزىمىن 2021 -جىلدىڭ 30 -قىركۇيەگىنە دەيىن (كەدەن ورگانىنىڭ رۇقساتىنسىز جانە كەدەندىك دەكلاراتسياسىز) ۇزارتۋ تۋرالى شەشىم قابىلدانعان بولاتىن. ۋاقىتشا اكەلۋ مەرزىمى اياقتالعاننان كەيىن اتالعان كولىك قۇرالدارىنىڭ بۇزۋشىلىقتارىن انىقتاۋ ماسەلەسى بويىنشا جۇمىستار قازاقستان رەسپۋبليكاسىنىڭ ىشكى ىستەر مينيسترلىگىنىڭ اكىمشىلىك پوليتسيا كوميتەتىنىڭ قىزمەتكەرلەرىمەن بىرلەسىپ جۇرگىزىلەتىن بولادى (اتالعان كولىك قۇرالدارىنا ۋاقىتشا اكەلۋ مەرزىمىن بۇزعانى ءۇشىن 15 ءبىر ايلىق كورسەتكىش كولەمىندە اكىمشىلىك ايىپپۇل قاراستىرىلعان، سونىمەن قاتار تولىق كەدەندىك تازارتۋدان ءوتىپ، كەدەندىك باجدار مەن سالىقتاردى تولەيتىنىن ەسكەرتەمىز).
