قازاقستان پرەزيدەنتى ۋكراينا باسشىسىمەن تەلەفون ارقىلى سويلەستى

نۇر- سۇلتان. قازاقپارات - مەملەكەت باسشىسى قاسىم- جومارت توقايەۆ ۋكراينا تاراپىنىڭ باستاماسى بويىنشا پرەزيدەنت ۆلاديمير زەلەنسكيمەن تەلەفون ارقىلى سويلەستى.

بۇل تۋرالى ق ر پرەزيدەنتىنىڭ باسپا ءسوز حاتشىسى بەرىك ءۋالي ءمالىم ەتتى، دەپ حابارلايدى قازاقپارات.

بەرىك ءۋاليدىڭ ايتۋىنشا، تولىق اقپارات كەيىنىرەك بەرىلەدى. ەسكە سالايىق، ق. توقايەۆ سونداي- اق، رەسەي پرەزيدەنتى ۆلاديمير پۋتينمەن تەلەفون ارقىلى سويلەسكەن بولاتىن. مەملەكەتتەر باسشىلارى ەكى ەلدىڭ ەكونوميكالىق جاعدايى مەن ساۋدا- ەكونوميكالىق سالاداعى ەكىجاقتى ىنتىماقتاستىق جونىندەگى ماسەلەلەردى تالقىلادى. قاسىم- جومارت توقايەۆ ۋكراينا توڭىرەگىندەگى احۋالعا قاتىستى كەلىسسوزدەر بارىسىندا ورتاق كەلىسىمگە قول جەتكىزۋدىڭ اسا ماڭىزدى ەكەنىن اتاپ ءوتتى. مەملەكەتتەر باسشىلارى ەكى ەلدىڭ گۋمانيتارلىق سالاداعى ىنتىماقتاستىعىن ودان ءارى دامىتۋعا كەلىستى.