ق ر پرەزيدەنتى ۋكرايناداعى احۋال جايىندا: ەكى ەلدى دە بەيبىت رەتتەۋ ءىسىن باستاۋعا شاقىرامىز
«جاقسى جانجالدان جامان ءبىتىم ارتىق. بەيبىتشىلىكسىز دامۋ بولمايدى. قازاقستان قاجەت بولعان جاعدايدا ءوز جاردەمىن كورسەتۋگە دايىن. ۋكرايناداعى احۋالعا قاتىستى ءبىز ەكى ەلدى دە ديالوگقا قول جەتكىزۋ ءۇشىن بۇكىل كۇش-جىگەردى جۇمساۋعا جانە بەيبىت رەتتەۋ ءىسىن باستاۋعا شاقىرامىز. باسقا جولى جوق»، - دەپ جازدى قازاقستان پرەزيدەنتى Twitter پاراقشاسىندا.
ايتا كەتەيىك، بۇگىن بيلىك پارتياسىنىڭ كەزەكتەن تىس سەزىندە مەملەكەت باسشىسى ۋكراينا مەن رەسەي اراسىنداعى شيەلەنىسكە قاتىستى قازاقستاننىڭ ۇستانىمىن ءبىلدىرىپ، قاجەت بولعان جاعدايدا ەلىمىز بارلىق كومەگىن كورسەتىپ، ءتىپتى اراعايىندىق جاساۋعا دا دايىن ەكەنىن ايتقان بولاتىن.
سونداي-اق قاسىم-جومارت توقايەۆ جوعارىدا اتالعان ەكى ەلدىڭ تەكە-تىرەسى سالدارىنان تۋىندايتىن سىن-تەگەۋىرىندەردى تويتارۋعا ەكونوميكامىزدىڭ دايىن بولۋى تيىستىگىن دە ەسكەرتكەن ەدى.
