15:56, 01 - ناۋرىز 2022 | GMT +5
پارتيا كوزبوياۋشىلىققا بارماۋى كەرەك – پرەزيدەنت
نۇر- سۇلتان. قازاقپارات - ق ر پرەزيدەنتى قاسىم- جومارت توقايەۆ بيلىك پارتياسى كوزبوياۋشىلىققا بارماۋى كەرەك ەكەندىگىن ايتتى، دەپ حابارلايدى قازاقپارات ءتىلشىسى.
«ەڭ الدىمەن سايلاۋالدى كەزەڭدە بەرىلگەن ۋادەلەردى ورىنداۋ كەرەك. پارتيا پوپۋليزممەن اۋەستەنىپ، ورىندالمايتىن دۇنيەگە ۋادە بەرمەۋى، ودان كەيىن قاجەتتى سيفرلاردى تالاپ ەتىپ، پرەمەر- ءمينيستردىڭ، ونىڭ كابينەتى مۇشەلەرىنىڭ باستارىنان توقپاقتاماۋى ءتيىس»، - دەدى مەملەكەت باسشىسى «AMANAT» پارتياسىنىڭ كەزەكتەن تىس سەزىندە.
ق ر پرەزيدەنتىنىڭ اتاپ وتۋىنشە، ءدال وسىنداي جايتتان ادامداردىڭ پارتياعا دەگەن سەنىمسىزدىگى تۋىنداپ، ونىڭ تەرىس سالدارى ورىن الادى.
«مۇنىڭ بارلىعى جينالىپ كەلىپ كوزبوياۋشىلىق دەپ اتالادى. كوزبوياۋشىلىقتىڭ سالدارى ادامداردىڭ الەۋمەتتىك كوڭىل- كۇيى مەن ەلدىڭ ىشكى ساياسي تۇراقتىلىعىنا اسەر ەتەدى. جاعدايدىڭ بۇلاي بولۋى گەوساياسي جاعداي ۋشىعىپ تۇرعان كەزدە مۇلدەم قاجەت ەمەس»، - دەدى قاسىم- جومارت توقايەۆ.
اۆتور: مارلان جيەمباي
