11:38, 01 - ناۋرىز 2022 | GMT +5
«نۇر وتان» پارتياسىنىڭ اتاۋىن «امانات» دەپ وزگەرتۋ ۇسىنىلدى
نۇر-سۇلتان. قازاقپارات - ءماجىلىس ءتوراعاسى، پالاتاداعى Nur Otan فراكسياسىنىڭ جەتەكشىسى ەرلان قوشانوۆ «نۇر وتان» پارتياسىنىڭ اتاۋىن «امانات» دەپ وزگەرتۋدى ۇسىندى.
بۇل تۋرالى ول پارتيانىڭ كەزەكتەن تىس سەزىندە ءمالىم ەتتى، دەپ حابارلايدى قازاقپارات.
«ءبىز ەل بىرلىگىن، حالىق تۇتاستىعىن، ۇلتتار تاتۋلىعىن، ەڭبەكقورلىقتى، بىلىكتىلىكتى بولاشاق زاماندارعا جاڭعىرتىپ جەتكىزۋگە مىندەتتىمىز. بۇل ىستە تىڭنان تۇلەگەن، سىندارعا شىڭدالعان پارتياعا جۇكتەلەر جاۋاپكەرشىلىك سالماعى وراسان. ءبىز قاشان دا بابالار اماناتىنا ادال بولۋىمىز كەرەك. بۇل - ءبىزدىڭ پەرزەنتتىك پارىزىمىز. سوندىقتىن ەلىمىزدەگى ەڭ باستى ساياسي ۇيىمنىڭ «امانات» دەپ اتالۋى ورىندى دەپ ويلايمىز. وسىعان وراي بۇگىنگى سەزدە ءماجىلىس فراكسيالارى دەپۋتاتتارى پارتيا اتاۋىن «امانات» دەپ وزگەرتۋدى ۇسىنىپ وتىر»، - دەدى ەرلان قوشانوۆ.
وسى ورايدا ءماجىلىس ءتوراعاسى سەزد دەلەگاتتارىنا قاراۋعا ۇسىندى.
اۆتور: رۋسلان عابباسوۆ
