ءبىر دە ءبىر مۇقتاج بالا «قازاقستان حالقىنا» قورىنىڭ كومەگىنەن شەت قالماۋى كەرەك - توعجانوۆ
ۆيتسە-پرەمەر مۇنداي تاپسىرمانى ۆەدومستۆونىڭ كەڭەيتىلگەن القا وتىرىسىندا بەردى.
«مەملەكەت باسشىسى قاسىم-جومارت كەمەل ۇلى وتكەندە حالىقتىڭ دەنساۋلىعىن ساقتاۋعا، جالپى مەديتسينالىق كومەكتىڭ ساپاسىن ءارى قاراي ارتتىرۋعا قاتىستى ناقتى تاپسىرمالار بەردى. سونىڭ العاشقىسى - «قازاقستان حالقىنا» قوعامدىق-الەۋمەتتىك قورى تۋرالى. قازىر ول جەردە ءبىراز قارجى جينالدى. سوندىقتان ءبىراز نەگىزگى اۋرۋلارعا بايلانىستى ۇسىنىستاردى قاراۋ كەرەك. ونىڭ ىشىندە ورفان دەرتىنە شالدىققان بالالارعا كومەك كورسەتۋ بويىنشا ايماقتارعا تاپسىرما بەرىلدى»، - دەدى ۇكىمەت باسشىسىنىڭ ورىنباسارى.
سونداي-اق ول اۋىر دەرتكە شالدىققان بالالاردىڭ قور قامقورلىعىنان تىس قالماۋى كەرەكتىگىن باسا ايتتى.
«وسى ماسەلەنى اكىمدىكتەرمەن بىرگە شۇعىل قاداعالاۋدا ۇستاۋ كەرەك. ءبىر دە ءبىر بالا دالادا قالىپ قويماۋى كەرەك. اجار عينيات قىزى، مۇنى جەكە باقىلاۋىڭىزدا ۇستاۋدى سۇرايمىز. ءبىر دە ءبىر بالا قامقورلىقسىز قالماۋى كەرەك»، - دەدى ەرالى توعجانوۆ.
