پرەزيدەنت انتيكورعا ەلدەن كەتكەن قارجىنى قايتارۋعا ەرەكشە نازار اۋدارۋدى تاپسىردى
قاسىم-جومارت توقايەۆ اگەنتتىكتىڭ بۇرىنعى ءتوراعاسى مارات احمەتجانوۆقا اتقارعان جۇمىسى ءۇشىن ريزاشىلىعىن ءبىلدىرىپ، ونىڭ جاڭا قىزمەتىنە تابىس تىلەدى.
مەملەكەت باسشىسى اگەنتتىكتىڭ جاڭا ءتوراعاسى مەن جەكە قۇرامىنا سىبايلاس جەمقورلىق قىلمىستارى ءۇشىن جاۋاپكەرشىلىكتەن جالتارىپ كەتپەۋدى قامتاماسىز ەتۋگە، قوعامدا سىبايلاس جەمقورلىققا توزبەۋ يدەولوگياسىن كۇشەيتۋگە، مەملەكەتتىك قىزمەت تۋرالى قوعامداعى جاعىمسىز پىكىردى وزگەرتۋگە باعىتتالعان ءبىرقاتار مىندەت جۇكتەدى.
سونىمەن قاتار پرەزيدەنت ەلدەن ۇرلانىپ كەتكەن اكتيۆتەردى قايتارۋعا ەرەكشە نازار اۋدارۋ كەرەك ەكەنىن ايتتى.
مەملەكەت باسشىسى 2022-2026-جىلدارعا ارنالعان سىبايلاس جەمقورلىققا قارسى ساياساتتىڭ جاقىندا بەكىتىلگەن تۇجىرىمداماسىن قالىپتاسقان احۋالدى ساپالى وزگەرتۋدىڭ ماڭىزدى قۇرامداس بولىگى رەتىندە اتاپ ءوتتى.
