ۇكىمەت باسشىسى پرەزيدەنتكە ۋكرايناداعى جاعدايدىڭ كەرى اسەرىن تومەندەتۋ شارالارىن باياندادى

نۇر- سۇلتان. قازاقپارات - كەزدەسۋ بارىسىندا پرەزيدەنتكە ەلىمىزدىڭ قازىرگى الەۋمەتتىك- ەكونوميكالىق احۋالى جونىندە جانە ۋكرايناداعى وقيعانىڭ كەرى اسەرىن تومەندەتۋ ءۇشىن ۇلتتىق بانكپەن بىرلەسىپ قابىلداعان شارالار تۋرالى باياندالدى، دەپ حابارلايدى اقوردا.

مەملەكەت باسشىسىنا حالىقارالىق ارەناداعى سوڭعى وقيعالارعا بايلانىستى ەكونوميكانى دامىتۋدىڭ داعدارىسقا قارسى جوسپارىنىڭ نەگىزگى قىرلارى تانىستىرىلدى. پرەزيدەنتكە قاڭتار وقيعاسى سالدارىنان زارداپ شەككەن شاعىن جانە ورتا بيزنەس سۋبەكتىلەرىنىڭ شىعىنىن وتەۋگە جانە قيراعان مەملەكەتتىك نىسانداردى قايتا قالپىنا كەلتىرۋگە قاتىستى جۇمىستار جايىندا مالىمەت بەرىلدى.

ءاليحان سمايىلوۆ كاسىپورىندارعا اپاراتىن تەمىرجولدارعا يە تابيعي مونوپوليالار نىساندارىنا بەلگىلەنگەن تاريفتى تومەندەتۋ، وڭدەۋ ونەركاسىبى مەن اگروونەركاسىپ كەشەنىن دامىتۋ جونىندە ايتتى.

قاسىم- جومارت توقايەۆقا اۋىل شارۋاشىلىعى تاۋارلارىن وندىرۋشىلەردى سۋبسيديالاۋ جۇيەسىن جانە كەدەندىك اكىمشىلەندىرۋ ءىسىن جەتىلدىرۋ ماسەلەلەرى تۋرالى مالىمەت بەرىلدى. سونىمەن قاتار پرەمەر- مينيستر ماڭعىستاۋ وبلىسىن دامىتۋدىڭ كەشەندى جوسپارىنىڭ جۇزەگە اسىرىلۋى جانە 2022 -جىلعا ارنالعان رەسپۋبليكالىق بيۋدجەتتى ناقتىلاۋعا دايىندىق جۇمىستارى جونىندە ەسەپ بەردى.