الماتىداعى تەرگەۋ يزولياتورىنا «ءبىز ازاپتاۋعا قارسىمىز» بىرلەستىگىنىڭ باسشىسى كەلدى

الماتى. قازاقپارات - الماتىداعى تەرگەۋ يزولياتورىنا «ءبىز ازاپتاۋعا قارسىمىز» قوعامدىق بىرلەستىگىنىڭ باسشىسى ەلەنا سەمەنوۆا كەلىپ، قاڭتار وقيعاسى كەزىندە ۇستالعان كۇدىكتىلەرمەن كەزدەستى، دەپ حابارلايدى قازاقپارات ءتىلشىسى.

تۇتقىندار ۇستالاتىن كامەرالاردى ارالاعان بىرلەستىك باسشىسى تۇتقىنداردىڭ ارقايسىسىمەن جۇزدەسىپ، ازاپتاۋ فاكتىلەرى تۋرالى سۇرادى.

سونىمەن قاتار، ول لا-155/18 مەكەمەسىندەگى قاماۋداعىلاردىڭ تاماقتانۋ جاعدايىن دا كورىپ، ولارمەن مەديتسينالىق كومەك كورسەتۋدىڭ ساپاسى جايلى اڭگىمەلەستى.

ەلەنا سەمەنوۆامەن بىرگە كامەرالاردى ارالاعان الماتى قالاسى پروكۋراتۋراسىنىڭ باسقارما باسشىسى ا. وماروۆ تا تۇتقىندارمەن اڭگىمەلەسىپ، ولارعا ءوز قۇقىقتارىن ءتۇسىندىردى.

«تەرگەۋ يزولياتورىنا قۇقىق قورعاۋشىلار مەن ءارتۇرلى قوعامدىق بىرلەستىك وكىلدەرىنىڭ ءجيى كەلۋى قاڭتار وقيعاسىنا قاتىستى قامالعانداردى ازاپتاۋ جايلى قازىرگى جالعان اقپاراتتاردى الدىن الادى. تۇتقىندارمەن مۇنداي جۇزدەسۋلەر كەزىندە تەكسەرۋشىلەر تەرگەۋ يزولياتورىندا ۇستاۋ جاعدايىنا دا قانىعادى»، - دەدى الماتى قالاسى بويىنشا قىلمىستىق اتقارۋ جۇيەسى دەپارتامەنتى باستىعىنىڭ ورىنباسارى ە. ۇزاقوۆ.

قالالىق پوليتسيا دەپارتامەنتىنەن حابارلاعانداي، تەكسەرۋ كەزىندە كۇدىكتىلەر تاراپىنان ازاپتاۋعا بايلانىستى ەشقانداي شاعىم بولعان جوق.

اۆتور: دۋمان ارعىنگەلدى