قىتاي مەن رەسەيدە ۋتيل الىمى قازاقستاننان الدەقايدا جوعارى - اسەمقان دوسقۇجانوۆ
«ءبىز اۆتوبۋس شىعارامىز. ۇلكەن 12 مەترلىك اۆتوبۋس ءۇشىن ۋتيليزاتسيالىق الىم 3210000 تەڭگە بولسا، قازىر ول %50 تومەندەدى، بۇل - 1600000 تەڭگە. ايتارلىقتاي ايىرماشىلىق بار. ءبىز جۇمىستى جالعاستىرامىز. اۆتوبۋس سانىن ارتتىرامىز. وسىعان دايىندالىپ جاتقان ەدىك»، - دەيدى اسەمقان دوسقۇجانوۆ.
سونىمەن قاتار، ول قىتاي مەن رەسەيدە ۋتيليزاتسيالىق الىم قازاقستانعا قاراعاندا الدەقايدا جوعارى ەكەنىن باسا ايتتى. سپيكەر باسەكە بولۋى كەرەك دەپ ەسەپتەيدى. ونىڭ ايتۋىنشا، كوروناۆيرۋس پاندەمياسىنىڭ سالدارىنان اۆتوبۋس ءوندىرىسى قۇلدىراپ، جىلىنا شامامەن 300-400 كولىك شىعارىلادى.
«بيىل لوگيستيكالىق ماسەلەلەر شەشىلىپ، شەكارا اشىلسا، 200 ۇلكەن جانە 300 شاعىن اۆتوبۋس شىعارۋدى جوسپارلاپ وتىرمىز. ءبىز ورتالىق ازياعا، قيىر شىعىسقا نازار اۋدارعىمىز كەلەدى. ءبىزدىڭ «Daewoo» ماركالى اۆتوبۋستارىمىز ۆلاديۆوستوك، حاباروۆسك، يركۋتسك قالالارىندا سۇرانىسقا يە»، - دەپ قوستى ول.
سونداي- اق اسەمقان دوسقۇجانوۆ جۇمىسشىلاردى قىسقارتپايتىنىن تىلگە تيەك ەتتى. قازىر زاۋىتتا 450 گە جۋىق ادام جۇمىس ىستەيدى. ەسكە سالايىق، بۇگىن ق ر پرەمەر- ءمينيسترىنىڭ ءبىرىنشى ورىنباسارى رومان سكليار اۆتوكولىك جانە اۋىل شارۋاشىلىعى تەحنيكاسىنا كادەگە جاراتۋ الىمى 50 پايىزعا دەيىن تومەندەيتىنىن ءمالىم ەتتى.
