ۋتيلالىم توڭىرەگىندەگى داقپىرت اڭگىمەلەر - رومان سكليار جىكتەپ بەردى

نۇر- سۇلتان. قازاقپارات - ق ر پرەمەر- ءمينيسترىنىڭ ءبىرىنشى ورىنباسارى رومان سكليار ۋتيلمالىمعا قاتىستى جۇرتشىلىق اراسىندا جۇرگەن داقپىرت اڭگىمەلەرگە قاتىستى پىكىرىن ءبىلدىردى، دەپ حابارلايدى قازاقپارات ءتىلشىسى.

«بارلىق ءىستىڭ ءمان- جايىن بىلەتىن وتىرىك ساراپشىلار تاراتاتىن جالعان فەيك بار. ولاردىڭ جاڭىلىسىپ جۇرگەندەرىن نە بولماسا بىرەۋلەردىڭ پايداسى ءۇشىن قاساقانا ىستەيتىندەرىن بىلمەيمىن. ءبىرىنشى داقپىرت - بىزدە اۆتوونەركاسىپ جوق، تەك دوڭگەلەگىن سالامىز. زاۋىتتارىمىزدى ارالاپ شىققان قوعام وكىلدەرى، بلوگەرلەر وتە كوپ بولدى جانە ولار كورگەندەرىنە كوڭىلى تولدى دەپ سانايمىن»، دەدى ءبىرىنشى ۆيتسە- سپيكەر «حابار-24» تەلەارناسىنداعى «سۇحبات» باعدارلاماسى بارىسىندا.

رومان سكليار ەكىنشى داقپىرت رەتىندە اۆتوونەركاسىپتىڭ ۋتيلالىم قاراجاتى ەسەبىنەن سۋبسيديا الىپ وتىرعاندىعى تۋرالى اقپاراتتاردى اتادى.

«سۋبسيديا دەپ نە اتالادى؟ قاراپايىم عانا مىسال كەلتىرەيىن. اۆتوسالوندا اۆتوموبيل ساتىلادى. ونىڭ قۇنى - 9 ميلليون تەڭگە. اۆتوديلەر 1 ميلليون تەڭگە ۋتيلالىم تولەپ، ونى 10 ميلليون تەڭگەگە ساتادى. ال وتاندىق تاۋار وندىرۋشىلەر، ونىڭ ىشىندە اۆتوونەركاسىپ نەمەسە اۋىل شارۋاشىلىعى ماشيناسىن جاساۋشىلار نە ىستەيدى؟ ولار شاعىن توراپتى نەمەسە كەڭ توراپتى جينالاتىن ماشينانىڭ جيىنتىعىن الىپ كەلەدى. ونى 9 ميلليون تەڭگەگە ساتىپ الىپ، 1 ميلليون تەڭگە ۋتيلالىم تولەيدى. اۆتوسالوندا ساتۋ بارىسىندا وعان روپ- تان سول 1 ميلليون تەڭگەسى قايتارىلىپ بەرىلەدى. ياعني، اقشانىڭ فورمالدى اعىلۋى جۇرەدى. تولەم قويىلدى - تولەم الىندى. ءبىراق، ونى قانداي دا ءبىر سۋبسيديا دەپ كورسەتەدى. ءبىزدىڭ اۆتووندىرۋشىلەر كادەگە جاراتۋ الىمىنان بوساتىلعان»، - دەدى رومان سكليار.

اۆتور: مارلان جيەمباي