ق ر ءى ءى م ەرلان تۇرعىمبايەۆتىڭ وتستاۆكاسى تۋرالى اقپاراتتى تەرىسكە شىعاردى

نۇر- سۇلتان. قازاقپارات – ق ر ىشكى ىستەر مينيسترلىگىنىڭ باسپا ءسوز قىزمەتى مينيستر ەرلان تۇرعىمبايەۆتىڭ وتستاۆكاعا كەتۋى تۋرالى اقپاراتتى تەرىسكە شىعاردى، دەپ حابارلايدى قازاقپارات.

ايتا كەتەيىك، الەۋمەتتىك جەلىلەردە ىشكى ىستەر ءمينيسترى ەرلان تۇرعىمبايەۆتىڭ وتستاۆكاعا كەتكەنى تۋرالى حابارلار تاراعان ەدى.

«ق ر ىشكى ىستەر ءمينيسترى ەرلان تۇرعىمبايەۆتىڭ قىزمەتتەن كەتۋى تۋرالى اقپارات شىندىققا جاناسپايدى. ۆەدومستۆو باسشىسى قالىپتى رەجيمدە جۇمىس ىستەپ جاتىر»، - دەپ جازىلعان مينيسترلىكتىڭ باسپا ءسوز قىزمەتىنىڭ حابارلاماسىندا.