ءماجىلىس دەپۋتاتتارى ليساكوۆسك قالاسىنداعى وزەكتى پروبلەمالاردى تالقىلادى
بۇل تۋرالى قازاقپارات تومەنگى پالاتانىڭ باسپا ءسوز قىزمەتىنە سىلتەمە جاساپ حابارلايدى.
دەپۋتاتتار ەلدەگى الەۋمەتتىك-ەكونوميكالىق جاعداي تۋرالى جانە ولاردىڭ حالىق الدىنداعى بەرگەن مىندەتتەمەلەرىن ورىنداۋ جايلى بايانداپ، رەسپۋبليكالىق جانە وبلىستىق بيۋجەتتەن قارجىلاندىرىلاتىن وڭىرلىك جوبالار جايىندا ايتتى.
- بيىلدىڭ وزىندە رەسپۋبليكالىق بيۋجەتتەن ليساكوۆ قالاسى ءۇشىن ينۆەستيتسيالىق باعدارلاما 2 ميلليارد تەڭگەدەن استام قارجىنى قۇرايدى. بۇل قاراجاتقا جىلۋ تراسسالارى، سۋ قۇبىرلارى جوندەلەدى. الداعى ۋاقىتتا ۆالەريانوۆكا اۋىلىنا باراتىن سۋ قۇبىرىنىڭ ەكىنشى جەلىسى اۋىستىرىلادى.
بۇل جوسپارلاردىڭ بارلىعى سايلاۋالدى باعدارلامادا جازىلعان. ءار اۋىلدا تەز ارادا شەشۋدى قاجەت ەتەتىن ماسەلەلەر بار. قازىر ءبىز وسى باعىتتا جۇمىس ىستەپ جاتىرمىز، - دەدى ا. راۋ.
كەزدەسۋ بارىسىندا قوستانايلىقتار سوڭعى 2 جىلدا جولدار جوندەلگەنىن اتاپ ءوتىپ، ءبىراق وكتيابر جانە ليساكوۆ كەنتتەرىن ءبولىپ تۇرعان 3 تەمىر جول وتكەلى نازاردان تىس قالعانىن ايتتى.
سونىمەن قاتار وكتيابرسكي كەنتىنىڭ تۇرعىندارى توبىل وزەنىن تازارتۋ جانە جاعاجايدى جايلاستىرۋ ماسەلەسىن قاراستىرۋدى سۇرادى. دەپۋتاتتار تۇرعىندار تاراپىنان ايتىلعان ۇسىنىس-پىكىرلەردى نازارعا الىپ، ماسەلەلەردى باقىلاۋعا العانىن اتاپ ءوتتى.
